April 2, 2013

苟芸慧 Keep 住靚箍實男友


苟芸慧於加拿大返港多年,自2009年勇奪華裔小姐冠軍後工作不斷,加上她樣子甜美、性格溫順又有魔鬼身材,是不少人心目中的女神,除了唯一公開的前度港 男羅天宇,近年她緋聞不絕,先有鄭嘉穎、謝天華,到近期的高鈞賢、郭富城……看似精彩的港式生活,她卻原來毫不喜歡,更嚴重缺乏自信,揚言若與圈中人拍 拖,便要keep住靚,才會有安全感。一度活在低谷中的她,近日臉上重現開心笑容,她承認看開一點、放下一點,就是放自己一馬。

我的體會……
人係好軟弱,好似呢套劇咁,精神科醫生都係人,但佢自己都搞唔掂自己情緒。我覺得人一定要享受生命,香港人太快,但係真係嚟唔切享受過程,我嚟咗香港咁耐 都慣咗,但唔係鍾意,只係妥協。我覺得所有嘢都好急,個心唔可以安靜落嚟,呢個生活谷到大家咁,結果係咪好呢?未必!我知道末來都唔會有空間、時間畀我去 思考、停落嚟,不過我都努力爭取緊自己嘅空間。以前運動、音樂方面我都好有滿足感,好似騎馬、打golf、吹笛同拉小提琴,我依家都好想重新拉小提琴,呢 啲先似番有啲生活,唔想全部時間只係擺喺事業上,可以令我思考上有釋放。


我的快樂……
不過食得鹹魚抵得渴,入得呢行都明白,當係一個dream,要適應令自己舒服,其實我睇開咗好多嘢,亦睇淡咗好多嘢,一個前輩同我講過,認真你就輸,要識 得放低,亦有個前輩同我講「係你就係你,唔係你就唔係你」,唔太執着反而會更開心。我諗通咗好多嘢,放自己一馬,當然做番自己係舒服。所以你見我開心咗好 多,連笑容都由心而發。好似我媽咪咁,以前林青霞的經理人打算簽我媽咪,做林青霞嘅小師妹,不過最終佢選擇同爸爸一齊,仲好後生就同我爸爸結婚、生BB。 佢有冇後悔呢?都有少少,所以媽咪想我做佢以前想做嘅嘢,佢幫我報名參加華裔小姐,完成佢嘅夢想,依家佢見我有成績,佢都好開心,總之佢同爸爸開心我就開 心嘞!

 http://orientaldaily.on.cc/cnt/entertainment/20130331/photo/0331-00282-060b2.jpg
 苟芸慧去年拍攝《怒火街頭2》而傳跟鄭嘉穎咀出火花。

 http://orientaldaily.on.cc/cnt/entertainment/20130331/photo/0331-00282-060b3.jpg
 去年年中,苟芸慧被傳跟謝天華「車震」,事後證實只是劇照。

 我的死穴……
我都知大家都好關心我嘅感情生活,好多謝大家經常為我安排「身邊伴侶」,但係我依家真係好忙,忙到根本冇時間識圈外朋友,唯有代入劇集角色,感受一下不同 嘅人生。我喺劇集《仁心解碼II》中飾演一名精神科醫生,戲入面同蕭正楠、陳國邦都有感情線,劇中我係一個有錢女、人生一帆風順,亦因為性格太好,好受身 邊男仔歡迎,個個都鍾意我!不過陳國邦同我好大分別,佢出身唔好,所以成日都好自卑,自卑到要同我分手。呢套劇都好寫實,好人性化,同陳國邦嗰段感情,我 拍嗰陣真係好有感觸、好有感覺,因為我覺得如果愛一個人,唔會因為自己自卑而放棄對方,呢個我真係絕對唔贊成……可能係同我以前嘅經歷有啲似,正所謂「戲 如人生」,人生就係咁,但經一事、長一智,雖然呢個係學習過程,但我就更清楚自己想要啲乜!呢個亦係做演員嘅好處,可以經歷唔同嘅角色去代入,可以睇得更 多人生唔同嘅一面。我都希望不斷學習,令自己更強。

 http://orientaldaily.on.cc/cnt/entertainment/20130331/photo/0331-00282-060b4.jpg
多次合作的高鈞賢跟苟芸慧今年3月被本報踢爆於黃長興婚宴上態度曖昧。

 http://orientaldaily.on.cc/cnt/entertainment/20130331/photo/0331-00282-060b5.jpg
 苟芸慧早前跟郭富城拍廣告而傳撻着,雖她已視之為「爛桃花」,但近日仍成為焦點。

 http://orientaldaily.on.cc/cnt/entertainment/20130331/photo/0331-00282-060b6.jpg
 羅天宇(右)是苟芸慧唯一公開過的男友,可惜兩人情已逝。

 你問我多人鍾意係煩還是係享受?由細到大我都係好怕麻煩嘅人,所以我好順得人,唔好聽啲就係「家嫂性格」!不過依家我學緊say no,不過都有排學,要明白say no唔係一定唔好,如果你問我會唔會對冇興趣嘅追求者決絕say no呢?我就覺得timing好緊要,如果有緣分,但timing唔啱,係另一回事。

 http://orientaldaily.on.cc/cnt/entertainment/20130331/photo/0331-00282-060b7.jpg
 苟芸慧近日心情好轉,看她在新劇宣傳上的興奮舉動便知。

 http://orientaldaily.on.cc/cnt/entertainment/20130331/photo/0331-00282-060b8.jpg

 http://orientaldaily.on.cc/cnt/entertainment/20130331/photo/0331-00282-060b9.jpg

 http://orientaldaily.on.cc/cnt/entertainment/20130331/photo/0331-00282-060b10.jpg
 苟芸慧曾因被傳「車震」一事而當眾委屈落淚。

 後記:
哪個女生不想有另一半寵愛?不過苟姑娘坦言現階段也很難識到非娛圈的人,至於這行的人,她評價大多圈中人都太情緒化、太有主見,坦言很難去夾:「總之呢行 嘅人變得好快,對我呢啲真係好缺乏安全感嘅人嚟講,真係唔得嘅。不過我都有兩個諗法,一係我唔搵呢行嘅人做另一半,二係我自己要對自己有信心,keep住 靚、charming,建立番自己信心,就自然會有安全感。」

No comments:

Post a Comment

Follow by Email

随机乱放