March 10, 2013

蒙嘉慧怕「坐監」堅持唔生


鄭伊健與蒙嘉慧(YoYo)拍拖七年終於在年初開花結果,兩人在東京「閃婚」後更隨即傳出YoYo「喜上加喜」的好消息,不過,YoYo接受專訪時表示與伊健有唔生仔共識。曾發噩夢「有餡」的YoYo笑說:「對我嚟講就好似坐成年監咁。」

YoYo早前與方中信再度合作拍攝劇集《仁心解碼II》,她覺得老拍檔有了愛女後性情大變,見方中信與愛女講電話冧樣,感到窩心,問YoYo會否受影響生 仔:「梗係唔會,睇住咁大變化唔想生,好多朋友、家姐都有小朋友就OK喇。暫時唔考慮生BB,同伊健都有共識唔生,伊健哥哥都有小朋友,奶奶亦冇畀壓 力。」


 http://orientaldaily.on.cc/cnt/entertainment/20130309/photo/0309-00282-035b2.jpg
 YoYo升呢做鄭太後的生活沒有太大轉變,揚言不會減產。

劇中YoYo向方中信「借種」生仔,嘗過「大肚」滋味的她說:「見朋友佗住BB嗰十個月,對我嚟講好似坐監。有次夢見自己有咗,覺得係一個噩夢,諗起要煩 BB讀邊間小學,自己又怕填表,就覺得佢又慘、我又慘。」婚後由YoYo變成鄭太,身份轉變但生活卻未有太大變化,YoYo表示婚後也不會減產,她笑說: 「其實我已經唔多產,再減產會餓死。」

 http://orientaldaily.on.cc/cnt/entertainment/20130309/photo/0309-00282-035b3.jpg
YoYo曾因工作壓力太大而受過情緒困擾,她坦言要向樂觀的伊健多學習。

 擔心冇工開
今次扮演精神科醫生的YoYo有更深體會,十多年前也受過情緒困擾,她說:「當年工作壓力好大,啱啱拍完一套劇就擔心緊之後有咩工作,嗰時一瞓醒就驚到 喊。後來覺得唔對路,要叫自己學識放鬆,有睇中醫可以調理身體,後來諗通咗唔可以多啲嘢做,咪唔好咁大使。」緣分安排樂天派「人辦」伊健給YoYo,她 說:「做人要令自己開心,伊健咪就係一個人辦,佢記性唔好,唔開心嘅嘢、工作辛苦完就唔記得。」

最希望種菜
有傳YoYo約滿無綫後將轉投王維基,無綫為免尷尬將她踢出《仁心》宣傳?她說:「之前係預咗期宣傳,但近日收到通知唔使去,合約嘅嘢交畀經理人去傾,我仲同無綫有合約。」監製羅永賢證實冇預YoYo宣傳,雖感可惜,但也要配合公司決定。
有傳伊健打本給YoYo開具玩店?她否認說:「唔會啦,自己份糧都唔去管,管其他錢銀就更加煩,做生意實會蝕本,我希望擁有自己嘅農場種菜、種果樹,實實在在有收成。」

No comments:

Post a Comment

Follow by Email

随机乱放