March 6, 2013

杜汶澤愈插愈旺封影帝


昨日《第十九屆香港電影評論學會大獎》舉行頒獎禮,英皇電影《逆戰》、《消失的子彈》勇奪「推薦電影」,三片共奪四個獎項。杜汶澤則憑英皇電影《DIVA華麗之後》勇奪「最佳男演員」,《逆戰》亦為林超賢帶來「最佳導演」殊榮。

杜汶澤在台上從羅蘭手上接過獎項,他感性地表示這是他在香港奪得的首個演員獎:「多謝英皇老闆楊受成對我嘅支持和信任。以前好想拎獎,學人拍啲文藝片,但拎唔到。年紀大咗凡事出心去做,反而拎男主角,真係無心插柳,希望以後都保持呢個方法繼續插落去!」


http://orientaldaily.on.cc/cnt/entertainment/20130305/photo/0305-00282-032b2.jpg
江若琳(左二)感激阿澤開腔力撐演技

http://orientaldaily.on.cc/cnt/entertainment/20130305/photo/0305-00282-032b3.jpg
林超賢在羅蘭手上接過獎項。

讚容祖兒林欣彤
阿澤又讚戲中女演員容祖兒和林欣彤演出同樣出色,可惜未能膺最佳女演員,他說:「尤其係林欣彤,佢演戲好有天分,曾志偉同佢合作過都咁講。祖兒屋企個櫃擺滿晒音樂獎,電影獎可能意義不大,但都要畀人睇到佢識做戲。」

對於今屆「最佳女演員」從缺,阿澤讚江若琳在《高舉.愛》中的演出令人動容:「人哋話佢係金像獎女主角冷門,我就覺得係大熱。」對於彭浩翔近期的電影成績 理想,他笑說:「好多人話佢百厭,原來百厭係啱嘅。新導演唔使聽啲『老嘢』講,唔需要怕畀人話。」問到會否為彭浩翔因賈選凝言論而平反?阿澤說:「唔使平 反,惡評唔係事實。(有傳亞視封殺你?)真令人擔心,一個零收視節目嘅電視台嚟講,我係零影響。如果有一點收視,對我就有一點影響!」

江若琳多謝鼓勵
而代表《高》片領獎的江若琳感激阿澤開腔力撐演技:「多謝支持,有機會參與已經係一個好大嘅鼓勵。」而電影評論學會會長陳志華坦言江若琳在《高》片的演 出,在討論過程中評價過,可惜最後投票中因機制問題而從缺,會檢討是否要改善機制。「最佳導演」林超賢對得獎感興奮,笑言頒獎嘉賓羅蘭未拍過動作片,可以 開拍一部《聖羅蘭機關槍》給她主演。

No comments:

Post a Comment

Follow by Email

随机乱放