March 2, 2013

李嘉欣傳婚變: 不嬲唔黐佢


大美人李嘉欣與夫婿許晉亨近日傳出感情亮起紅燈,前晚許晉亨入馬場拉頭馬,未見嘉欣陪同,昨日嘉欣獨自出席活動時,解釋自己向來不愛黐老公,知道誤會是源自微博,但她表示一於少理。

昨日李嘉欣出席一部環保紀錄片電影的座談會,與戲中的主角嘉旺竹巴法王傾談分享,她說雖然兒子許建彤(Jayden Max)只有兩歲,但認為注重環保應從小教導,她曾陪兒子看該部電影,爆兒子大叫「Holiness」戲中法王的尊稱,但不清楚兒子是否明白內容。


http://orientaldaily.on.cc/cnt/entertainment/20130301/photo/0301-00282-060b2.jpg
許晉亨前晚單拖入馬場,為愛駒拉頭馬。

秘密外遊慶牛一
提到丈夫許晉亨上月25日生日如何慶祝時,嘉欣竟說:「唔記得。」她再解釋:「唔係唔記得佢生日,佢正日同一家人慶祝,之前我哋去咗第二度慶祝,去咗三 日,冇帶個仔去,唔敢去得太耐,但去邊就係秘密,(老公拉頭馬點解唔出現?)夜晚十點已經瞓咗,Jayden咳得好厲害,我都少少咳,(擔心多病毒?)個 個都擔心,嗰日帶Jayden去睇醫生,知有好多呼吸系統病,(之前傳你哋感情亮紅燈?)我不嬲唔係成日黐住佢啦,我知道件事源自微博引發大家想像,但唔 會唔寫微博,唔理人哋啲想像。(個仔係咪你哋嘅電燈膽?)先生先至係我同個仔嘅電燈膽。嗰日去完旅行,個仔見我哋就跑過嚟,老公跑喺我前面,我哋互相鬆 肘,希望個仔第一眼見嘅係我!」

 http://orientaldaily.on.cc/cnt/entertainment/20130301/photo/0301-00282-060b3.jpg
 喜愛杯中物的JC,為美酒節打響頭炮。

JC飲大咗跳醉舞
前晚跑馬地馬場除有許晉亨外,還有穿tube dress的混血名模Jessica C.(JC)出席,JC表示喜愛飲酒,與男友飲酒時,男友會叫她放膽飲,原因有他做保鏢。JC又自爆飲醉會不停說話、跳舞及不停吃東西。

No comments:

Post a Comment

Follow by Email

随机乱放