March 8, 2013

李曼筠住家菜 引仔必殺技


李曼筠(動漫Maggie)以性感誘人的身材風靡不少港男,最近埋首出書殺入飲食界的她,揚言要為時下情侶提供「搵食」勝地,對於會否從此封胸做才女?Maggie大派定心丸,做才女之餘亦不會吝嗇身材。


李曼筠(Maggie)一向以性感形象見稱,最近她計劃撈多瓣,「捐窿捐罅」四圍摷,為情侶們尋找拍拖食飯好去處,Maggie說:「身邊有朋友不時畀女友問去邊食飯,搞到佢哋頭都大晒,希望可以出書幫到佢哋,唔使下下都食連鎖快餐店。」

http://orientaldaily.on.cc/cnt/entertainment/20130308/photo/0308-00282-040b2.jpg
 Maggie有「材」有貌,卻沒有男朋友。

拍拖去開餐
問Maggie愛與另一半到哪種餐廳談心?她說:「我食嘢講究味道、氣氛同心情,雖然高級餐廳氣氛好,但有啲拘謹,日式居酒屋就唔錯!」
不過,在搵食期間難免觸景傷情,她說:「有時去開一啲餐廳,不期然都會勾起同前男友嘅回憶,雖然畫面浮現眼前,但都睇開咗啦!」

自認「材」女
Maggie可有下廚冧仔?她即時扁晒嘴說:「好耐都冇男朋友喇,所以會煮嘢食畀貓仔多啲囉。細個都有整過愛心雞翼畀心儀嘅男仔,佢哋食過都話好味!(廚 藝是否扣住男友的「必殺技」?)我係『住家菜』,我希望唔係因為我扣住佢,佢先留喺屋企食飯,食多啲住家菜好過食街外嘢啦,街外嘅味精嘢多食冇益o架。」
至於會否從此「封胸」做才女?Maggie大派定心丸說:「我好鍾意自己鎖骨同對腿,會繼續騷quali以依家嘅打扮示人,所以叫我做『材』女定才女都冇問題。」

No comments:

Post a Comment

Follow by Email

随机乱放