March 3, 2013

黃翠如人氣逆轉 收視低有賺


藝員黃翠如在劇集《心路GPS》未出街前被狂插未夠班做女主角,劇集播出後收視雖然普通,但她的人氣卻大逆轉表現備受讚賞,還被網友封為女神「翠如BB」,她說:「我唔配,自己唔係女神級數。」對於劇集收視上周低見23點,她坦言觀眾人數已比舊公司多,實情有賺。

藝員李司棋、陳展鵬、黃翠如、麥長青、張美妮、李司棋等昨日在鑽石山為劇集《心路GPS》宣傳。劇集出街前黃翠如被網友質疑未夠班,不過劇集出街她的演出 被讚賞,還獲封為「翠如BB」,她說:「自己其實唔敢上網睇觀眾嘅反應,但聽人講出街前的確好多質疑嘅聲音,自己係唔夠靚、身材唔夠好、亦唔後生,自己有 自知之明,我係唔配做翠如BB,網友讚我係佢哋心地好。自己演技仲有得改善,只係想做個好演員。」


 http://orientaldaily.on.cc/cnt/entertainment/20130302/photo/0302-00282-028b2.jpg
張美妮(右)牛一獲送蛋糕,李司棋等人大唱生日歌。

 劉蔚萱烏龍甩底
現場進行遊戲時李司棋和麥長青大讚翠如人品好,叫陳展鵬好好考慮,問陳展鵬覺得與黃翠如可有發展可能?他笑說:「佢哋好心啫,我哋係同事,依家都會選擇做 嘢先。」至於「田雞女」劉蔚萱昨日臨時缺席,原來是記錯活動時間。監製李艷芳對於網友狂插劉蔚萱劇中頻呼「阿B」撒嬌感到煩厭,李艷芳笑說:「佢嘅角色係 做港女,同埋佢把聲本身係咁。」
另外,翠如接受電台訪問講到劇集上周低見23點收視,她說:「唔會失望,啲人唔會因為我而開或關電視,同埋相對舊公司已經多咗好多觀眾,自己覺得賺咗。」主持人問到翠如被封女神?她則說:「我唔配,自己唔係女神級數。」

No comments:

Post a Comment

Follow by Email

随机乱放