February 24, 2013

王君馨守候 6 年再續前緣


現年26歲的前港姐亞軍王君馨自去年自爆處女而驚為天人後,即令宅男驚嘆娛樂圈中竟有「好pure好true」的女星!君馨曾經歷三段愛情,單身6年的 她,決意與第三任男友再續前緣,締造未完的潔白無瑕愛情故事。君馨眼中的好仔信了主,彼此有了共同話題,即使有爭拗仍能以聖經解決,和諧面對。

訴說理想支持帶來感動
君馨在愛情路上尋尋覓覓,三度戀愛後,單身6年,主終於安排了Mr.Right出現,君馨終宣布拍拖了!正當眾人猜測誰是她的現任男友時,原來眾裡尋他仍然是他,就是他的前一任男友!
以前喺美國嘅時候,曾經做過侍應,而當時就喺餐廳上遇到我第三個男朋友。仲記得本身佢諗住穿過餐廳去停車場,點知畀我截住問佢:「你係唔係想食飯呢?」佢 聽完之後即刻呆咗,然後點點頭,支煙仲叼住喺嘴角。跟住我同我個侍應朋友講:「嗰個男仔好靚仔。」點知我朋友話:「佢係我個Friend!」我尷尬到當場 面紅衝入廁所。

 http://orientaldaily.on.cc/cnt/entertainment/20130223/photo/0223-00282-060b2.jpg
 王君馨與苟芸慧同是娛圈聖潔之人。


 http://orientaldaily.on.cc/cnt/entertainment/20130223/photo/0223-00282-060b3.jpg
 曾出戰《舞動奇跡》的王君馨,本身舞蹈根底不俗。

 http://orientaldaily.on.cc/cnt/entertainment/20130223/photo/0223-00282-060b4.jpg
 君馨愛惜身體,難怪對從事援交的女子感嘆殊深。

 親手沖調咖啡
有一次,佢同朋友嚟食飯,我幫佢哋落單,佢啲朋友個個都嗌酒飲,唯獨佢嗌熱咖啡,已經覺得佢與眾不同,跟住我衝入廚房親手整一杯焦糖Mocha畀佢飲。自 此,佢逢星期五、六都會嚟餐廳飲我親手沖嘅咖啡。其後,佢終於鼓起勇氣約我去食韓國豆腐,當時佢問起我嘅理想,我話想喺香港做一位pop star,佢聽完竟然話:「好呀,我支持你。」我好感動,因為佢完全唔覺得我係個發明星夢嘅女仔。後來我要返香港發展,加上又覺得同佢性格一動一靜,都係 覺得做朋友適合啲,之後我哋就分手。

 http://orientaldaily.on.cc/cnt/entertainment/20130223/photo/0223-00282-060b5.jpg
 王君馨無懼分隔異地,勇敢去愛。

 http://orientaldaily.on.cc/cnt/entertainment/20130223/photo/0223-00282-060b6.jpg
 王君馨向來演出都以火辣為主,出水戲騷身材屬意料之內。

 http://orientaldaily.on.cc/cnt/entertainment/20130223/photo/0223-00282-060b7.jpg
 王君馨對愛情執着,不遇真愛,決不輕言以身相許。

 維繫異地戀情
不過,我覺得上年主畀咗一份好好嘅禮物我。其實佢係一個努力、上進,未試過講大話嘅老實男仔!以前我同佢溝通,好多時傾唔掂,都會發脾氣,但依家佢都信咗 主,我哋可以透過聖經去解決。我好開心我哋都好支持對方嘅事業,有時佢又會陪我去咖啡室讀劇本,真係好體貼。雖然佢遲啲要返美國,我哋要繼續維持 Long-distance,但我哋都會成日傾偈、關心同了解對方!

堅守原則犧牲方算愛情
王君馨雖然在銀幕上總是火辣獻身,不過聖潔才是其真正底蘊。自去年自爆處女後,動輒即扯上這兩個敏感字詞。不過若回帶至2010年,其實君馨當時早已承認聖潔之體,相隔兩年,外間的反應卻如此激烈,君馨亦不明所以,惟一早已學懂的是其愛情原則。
對於愛情,我有一個原則:如果唔可以同對方講I Love you,就唔可以同佢發生性行為;唔可以為對方死,就唔可以同佢講I Love you,由7歲開始我就堅持呢個原則至今時今日。我嘅初戀係17歲,我同一個好虔誠嘅韓國籍基督徒拍拖,佢係一個好好嘅男仔,就算Kiss都會隔住兩個手 指公去錫,因為佢覺得即使接吻已經對一個女仔都太重要。後嚟我覺得佢太乖,覺得真命天子唔係佢,拍咗兩個月之後就分咗手!

無謂浪費時間
第二次我同一個外國白人拍拖,我鍾意咗佢一年先開始!我同佢係玩跳舞機認識,當時佢係全紐約玩跳舞機第二叻嘅人,我好欣賞佢!之後,我仲見過佢嘅家長,但 佢嘅家人係一啲坐得好直、好斯文嘅人,好似木頭咁,我覺得好辛苦。而我亦感覺佢哋係想個仔搵一個白人女仔多過一個中國人,慢慢我覺得同佢嘅距離愈來愈遠。 有一次我多口同佢講:「我覺得你唔係the one,我嘅purity畀唔到你。」跟住佢聽完好嬲,仲為咗呢樣嘢向我發脾氣,跟住我覺得好唔make sense,就同佢分手。第二日,佢都有搵番我道歉,但我同佢講唔好嘥大家時間,最後我哋拍咗兩個月就分手。

後記:
君馨對於貞潔抱有一貫的堅持作風,即使談到現時少女的援交現象,她亦深感痛心,更慨嘆地說:「有時睇新聞,見到佢哋竟然去敲門問人哋需唔需要服務,我真係 想問吓知唔知佢哋賣緊啲乜,同埋咁做會傷害到第時嘅老公?所以我覺得佢哋依家應該畀多啲心機讀書。」聽罷即忽發奇想,如果政府能找君馨賣反少女援交廣告, 可能極為湊效!

No comments:

Post a Comment

Follow by Email

随机乱放