July 4, 2011

食野餐: 搶糖妹大隻仔  Jeana公園野戰

720寫真書戰即將爆發,人氣最盛的陀地 o靚模非 33D塑化不倒胸 Jeana(何佩瑜)莫屬,成日寸嘴生事,被揭 facebook情挑娜姐(周秀娜) 男友 Avis(陳偉成)不成,最近寸嘴 Jeana居然硬撬糖妹( 黄山怡) 6呎大隻男友、同門組合 Bro 5成員 Dominic(何浩文),上週六( 25日)被本刊拍得兩人甜蜜跑步,情到濃時仲喺公園野戰。被指搶仔, Jeana風騷話:「我着高踭鞋睇佢唔到喎!」擺明當 4呎 9吋糖妹冇到。


25/6 D cup胸壓
上週六 黄昏, Jeana在何文田公園不但坐喺大隻仔 Dominic大髀上,更熱情攬實兼胸壓男方, Dominic亦識做地攬住 Jeana纖腰呵番 Jeana條靚腿。

本刊早於今年 3月,踢爆 23歲糖妹夜會 22歲貌似巨胸謙的大隻男模 Dominic,二人更不時微博傳情,高矮戀唔怕張揚。其實寸嘴 Jeana亦因與大隻 Dominic同公司,近水樓台吼實猛男主動出擊。


咀嘴
二人儼如熱戀中小情侶,情到濃時更旁若無人,激吻起嚟。


錫頭
難得獲大隻 Dominic溫柔服侍, Jeana都好識做香吻唔嫌多,再錫 Dominic額頭一下。


糖妹都嗒
3月被本刊拍得糖妹喺佐敦夜會 Dominic,事後糖妹表示 Dominic唔係佢心儀對象,但係男方近 6呎身高、細佢 1年兼係娛圈中人,幾個條件絕對符合糖妹喺訪問中講過嘅表白對象。

波壓錫嘴
上週六( 25日)傍晚時分,本刊發現 Jeana私會大隻男,當日 Jeana一身吊帶短褲戰鬥格,拋胸陪男伴跑步,胸湧跌盪,其間唔知係咪因為 Jeana嘅 33D不倒胸負荷太重,突然跌倒,在旁嘅 Dominic睇到我見猶憐,忍唔住要孭住 Jeana去公園休息。
兩人愈傾愈投契, Jeana不時波壓大隻仔,搞到 Dominic忍唔住捉住女神對腳摸,主動 Jeana仲熱情坐男方大髀,情到濃時更咀嘴。公園野戰後,兩人再到九龍城孖份食串燒,更挽手甜蜜遊街,恍如熱戀情侶。

塞班床照
Jeana嘅塞班島寫真搏到盡,床照任睇。

「我睇佢唔到!」
事後本刊分別致電 Jeana及 Dominic,問二人係咪拍拖, Dominic含糊咁話:「唔係,好朋友啫(咁糖妹呢?),係好好好好朋友,(你同 Jeana好親密喎?)吓,佢話想 keep fit,咪一齊去跑吓步,(有錫嘴喎!)吓,冇喎,你哋影到啲咩呀?(有冇機會發展呀?)吓,將來嘅嘢冇人知。」

問 Jeana係咪搶糖妹仔,佢寸嘴話:「係咪唱歌嗰個(糖妹)呀?我唔理人啲嘢 o架喎,我平時着高踭鞋,睇佢唔到喎!(主動溝 Dominic?)佢咁靚仔,好 ok o架!都算係心儀對象,咁我都當佢係好 brother,我咁男仔頭,同好多男仔都會挨挨撞撞 o架啦!如果佢追我咪主動啲囉!」擺明對巨胸 Dominic嗒晒糖。


跌低倒奶
巨乳 Jeana手幼腳幼,跑起上嚟胸湧跌盪,搞到失重心仆落地,低胸吊帶嘅佢差啲倒瀉奶。


有 Dominic做護花使者,陪跑步,仆親又有佢做人肉擔架,之後仲護送返屋企,難怪到咗屋企樓下 Jeana都識做地送上 goodbye kiss做獎勵啦!


Jeana唔知係咪近排忙到冇時間做運動,跑咗一陣就冇晒氣力,撒嬌要 Dominic扶住香肩嚟行。

孭起乳牛
Dominic睇見伊人仆在地上,即發揮男人本色,孭起 Jeana,搞到 Jeana條 5吋事業線喺街度勁注目。

巨胸仔多人爭
身高 179cm嘅 Dominic, 09年英國留學回港簽約 G.M.E,與 Chrissie同門,成為跳舞組合 Bro 5四子之一,同年參與無綫《四葉草》拍攝,隨即與四葉女 Dada Lo撻着,其後又曾同公司師姐 A.Lin傳緋聞,今年又被踢爆夜會糖妹,又因與 Jeana合作而互生好感,大隻仔多人爭。

《蘋果日報》圖片

食野餐
公園除咗係阿伯捉棋乘涼地方,亦係唔少明星嘅依泣好地方,最火辣莫過於去年大乳牛蔡慧敏同楊紫瓊細佬在公園嘅二級半真人 show,兩年前剛入行嘅 Dominic亦曾與四葉女 Dada(盧頌之)夜坐公園,真係對公園情有獨鍾。

林敏驄

南灣啜俄妹
兩星期前林敏驄被雜誌拍得同 22歲 6呎高的俄妹喺南灣摸黑鴛鴦戲水,更激咀十分鐘。


蔡慧敏
中環坐蓮
去年 36F嘅大乳牛蔡慧敏最大代表作係同有婦之夫的楊紫瓊胞弟楊南日親熱行為,事後蔡慧敏稱感到歉意及非常後悔。


Dominic
食 Dada
09年本刊已拍得 Dominic同當時因拍無綫青春劇《四葉草》已撻着嘅 Dada(盧頌之),當日兩人玩通頂, Dada飲大兩杯,搞到要攬住 Dominic喺公園長凳瞓。

No comments:

Post a Comment

Follow by Email

随机乱放