July 4, 2011

啜 cream撞警鐘胸 周秀娜 Jessica C.再掀性戰

宅男只認心口唔認人,加上 o靚模熱潮已退,今年在書展賣事業線的一眾 o靚模,隨時淪為犧牲品。連續兩年成為寫真女王的周秀娜一早洞悉先機宣布唔玩,反而密密拍戲拍到出年 4月。而憑着「警鐘胸」成名的 Jessica C.最近亦闖入荷里活試鏡。二人雙雙與寫真劃清界線,還將戰地轉移到排球場上拍《熱浪球愛戰》,鬥波之餘,亦鬥真正球技。
日前她們為本刊再度破禁穿上泳衣同場影相,在鏡頭前胸撞胸啜雪糕,擺出 S形誘人甫士,掀起連場性戰。二人始終是競爭對手,難怪接受訪問時,周秀娜就說:「我同 Jessica喺片場冇乜交流。」 Jessica則反擊:「 Chrissie唔算我好朋友。」球技還未分出勝負,已先爆發口角。


記者要求周秀娜和 Jessica C.啜雪糕,豈料因天氣關係,雪糕很快就溶掉,此時可以將雪糕扔掉,但二人反應一致說:「唔食好浪費呀!」結果雪糕一邊滴,她們一邊啜,更加野性。

互動片段
* 周秀娜、 Jessica C.鬥啜
http://applevideo.edgesuite.net/ ... /DV04_NextVideo.flv

首度交峰
雖然周秀娜和 Jessica C.多次在公開活動同場,不過就從未試過一齊穿泳衣影相。 6月 21日,二人為本刊拍攝時,亦齊齊搏到盡,除分別擺出不同意態撩人晒雙峰的甫士外,還不惜以胸壓胸。





26歲的周秀娜是潮州烈女, 23歲的 Jessica C.卻是鬼妹仔一名,其實大纜都扯唔埋,不過二人有着身懷大胸的共同優點,順理成章成為競爭對手。


由於 Jessica C.完全不懂中文,所以她拍《熱》片時需要夾口形講對白,之後再搵人配音,戲中她有多場和周秀娜的嗌交戲,全靠用眼神演戲。


戲中周秀娜和羅仲謙亦有一場接吻戲,周說:「嗰陣咁啱同佢又拍另一套戲,見佢仲多過見自己男朋友。」

片場谷到喊
去年寫真大戰期間,二人就要扮 friend一齊拍《熱》片,心情的確矛盾,不過周秀娜說:「其實我早佢一年出寫真 o架啦,唔係得我同佢兩個,不過嗰陣大家的確唔熟,但 Jessica都係一個好 nice嘅女仔,一撻就即着。」對於與周秀娜在片中要大鬥法, Jessica就說:「大家好鍾意將我同佢比較,其實都係良性競爭。知道佢好勤力,所以我唔可以輸,要做得好過佢。」因此 Jessica為該片拍攝一個控球的鏡頭,試過連續跳起撻落地六十次,擦傷手腕弄瘀手臂。她回想起當時情況,卻不禁扁一扁嘴,她說:「真係好辛苦,拍咗好 長時間,加上香港始終唔係我屋企,覺得好孤獨,所以拍完嗰刻喺片場喊咗出嚟。」周秀娜亦不甘示弱說:「嗰時我拍緊兩部戲,試過四日冇瞓過覺冇返過屋企,喺 劇組安排嘅酒店沖涼,係慘,不過我仲頂得住。」

32D撼 34C
上圍 32D的周秀娜和 34C的 Jessica C.穿上大 deep V泳衣影相,勁晒東西半球,上映一場「娜姐大戰警鐘胸」。當記者向 Jessica提及警鐘胸是個稱號,她直說:「我唔鍾意!唔明點解會似 alarm。」在旁的周秀娜則安慰她:「我開頭都俾人話係 A貨,一個稱號嚟嘅啫!」

拍攝接近尾聲, Jessica high爆錫了周一啖,之後二人更開心到擊掌起哄。雖然她們坦言唔算朋友,但此刻忽然變了好姊妹。


直認唔 friend
事隔一年,上周二( 21日)二人首次一同踏進影樓為本刊拍照,記者要她們拿起快溶掉的雪糕擺甫士,周秀娜照單全收,啜、咬、吮手指的動作十分豪放, Jessica眼見對方如此投入,就二話不說大口咬雪糕,在鏡頭前各自出盡渾身解數搶鏡,完全交足戲。
雖然二人埋位 影相時默契十足,儼如兩姊妹,不過私底下並非交心朋友。 Jessica說:「呢一行真正嘅朋友唔多,有啲人喺你面前讚你都未必出自真心,我好明白呢個道理。我同 Chrissie點講呢……可能大家嘅母語唔同,佢唔算我好朋友,不過我好欣賞佢,覺得佢好犀利,好似唔需要瞓覺咁。」周秀娜則說:「其實我同 Jessica好少見,喺公開場合撞到會 say hi,好似我同佢拍戲嗰陣,我哋嘅角色係對立嘅,我同佢喺片場幾乎冇交流,要 keep住腔怒火對佢。」 Jessica再插嘴:「所以我依家醒咗,識得睇人眉頭眼額,知道邊啲人唔惹得。」而周秀娜聽罷則回敬說:「咁我哋大家嘅 body都好惹火嘅,哈哈!」同樣靠胸搵食,當然深明自己的必殺技啦!

09年 Jessica跟隨巴西籍男友 Sergio到港發展,今次拍《熱》片就令二人聚少離多。 Jessica說:「次次拍完都好掛住佢,想攬實佢,不過返親屋企,佢都瞓咗覺。」

採訪、撰文:袁凱傑
攝影:陳偉強
協力:李梓軒
化妝: Johnathan Y、 Tiffany
髮型: Lobo、 Chris
服裝: Jules( 2834 7399)、 Islandwake( 2623 6123)

No comments:

Post a Comment

Follow by Email

随机乱放