July 4, 2011

溝掂地產小花 陸永女:唔介意搵得少過我!

繼早前農夫的 C君(鄭詩君)宣布求婚成功,下年將同拍拖 6年嘅圈外女友拉埋天窗,而拍檔陸永(陸永權)亦唔弱,與任職地產經紀嘅女友,行埋 3個月!

29歲陸永女友 Raina,原來今年只得 19歲,身為地產之花,不但樣索,而且早排地產市旺, Raina收入更比做 Rapper的陸永高出多多聲。難得女友上週四( 23日)甜絲絲話同陸永有結婚打算,仲話:「唔介意佢(陸永)搵得少過我!」


19歲 Raina眼大大細細粒,樣子標致,不過做嘢都好認真,見佢經常於鋪頭內 cold call搵客,難怪經常做得成生意啦!

陸永搵到筍盤,嗱嗱聲落訂啦!
演過教育電視,畢業於鄧鏡波書院及曾就讀演藝學院嘅陸永,轉數快又識講嘢,連女友都轉得快。據知陸永去年寓所裝修,竟然俾佢溝掂咗裝修師傅個 19歲女 Raina,雖然兩人年紀相差 10年,但細細粒 Raina外表成熟,據知情人士透露:「陸永今次好認真 o架,佢哋都見過晒雙方家長,陸永都有帶 Raina返屋企食飯。」


拍拖 3個月
早前被拍得與女友 Raina喺銅鑼灣渣甸坊拍拖,雖然兩人比較避忌,沒有拖手攬腰,但仍不時眉目傳情,甜蜜逛街。



我收入都唔差!真實對白

經理傍實
任職地產經紀 2年嘅 Raina出外睇樓仍要孖實經理(右),見客時,經常心不在焉,狅覆訊息,唔知係咪睇緊陸永嘅 message呢?

07年陸永被拍得與年長 1年半嘅唐寧拍拖,唐寧更揸車去鰂魚涌接陸永收工,兩人蜜運 9個月後分手。如今唐寧已同年長 13年嘅舞台劇老公鄧偉傑誕下一子,已作人母。

有結婚打算
本刊早前直擊在太古城任職地產嘅 Raina帶客睇樓情況,雖然貴為地產界內的索小花,不過見她在鋪內勤力地 call客,據知佢呢兩、三個月做成咗 3、 4個 8百萬嘅中型單位生意,淨計佣金都可分到 12萬,認真和味!>
上週四( 23日)本刊趁陸永女放工時,追問她的感情生活, Raina初時感愕然,問佢介唔介意搵錢多過陸永,她笑說:「唔介意,我唔知佢搵幾多錢,我哋財政獨立!」女友搵得多,陸永則在電話中透露:「我都唔介意 俾人講,其實我收入都唔差,唔會搵得少過佢,不過做藝人同地產一樣,收入都係唔穩定,冇話邊個搵得多嘅!」有錢大家使囉呵!

之後 Raina急步返入鋪頭繼續做嘢,後生女一於努力搵錢。

甜絲絲講陸永
本刊上週四( 23日)在太古城分行等 Raina,她見記者採訪頗錯愕(右),但提起陸永就甜絲絲,真愛呀!
F:鶽家係咪同陸永拍拖呀?
R:(有啲怕醜)係呀!
F:拍咗幾耐呀?
R:我哋開始咗幾個月。
F:點識?
R:我唔想講呀!
F:有冇考慮同陸永結婚呀?
R:都有諗過。
F:介唔介意佢搵得少過你呀?
R:唔介意,我唔知佢搵幾多錢,我哋財政獨立!


C君出年結婚
患有地中海貧血嘅 C君,自細就要每日食藥打針兼定期換血,同現任圈外女友 Gloria相識 6年,三分三合,中途 C君亦與林珊珊大女林澄拍過一年拖,分手後又同番 Gloria一齊,直到鶽家開花結果,早前同 Gloria喺新西蘭旅行求婚成功,定於 2012年結婚,打算搵拍檔陸永做伴郎。

農夫年頭飛起舊老闆陳冠希(左二),跟 DJ Tommy(左一)跳槽過檔新公司後,除喺 now節目《撳錢》做主持外都未有新搞作。

C君同女友 Gloria拍拖 6年,雖然 C君有病,但 C君求婚時出動卡半鑽戒冧掂女友。

No comments:

Post a Comment

Follow by Email

随机乱放