「嫩版鄧麗欣」陳芷敏 清純冬甩新成員 謝芷蕙闖娛圈日食一餐

o靚模組合冬甩決定效法日韓組合，定時更換隊員望令粉絲有新鮮感，最新宣布加盟的就是「嫩版鄧麗欣」陳芷敏（Elke），留有一頭長髮的她外貌清純，甚有鄧麗欣初出道時的影子，對於成為冬甩新成員她表示興奮：「之前都有留意佢哋啲報道，希望遲啲合作影寫真會相處融洽！」

Elke雖然已有一年多的模特兒經驗，但多為宣傳產品，甚少拍硬照，對於有份影寫真，她要不停刨時裝雜誌練甫士：「我都開始注重身形，食少啲嘢同勤做運動，同埋早瞓養好啲皮膚。」她會主打行清純路線，希望成為性感模界中的一股清泉！



Elke成為o靚模組合冬甩最新成員，主打清純路線誘宅男。

謝芷蕙闖娛圈 日食一餐


現今o靚模愈來愈嫩口，新進組合Fantasy平均歲數只有18歲，成員謝芷蕙（Cammi）更只得16歲，今年夥拍同公司其餘9位o靚模出寫真，慶幸未出書就獲粉絲支持：「有個粉絲同我講會買50本寫真支持，好開心咁快就吸納到咁忠實嘅粉絲！」

雖然Cammi主打騷長腿，但她都要節食為影寫真作準備：「我會不時上網睇吓有咩新嘅減肥餐單，依家一日只會食一餐，主要食水果同白肉，節食之餘都會注重飲食均衡。」


有忠實粉絲已表示會買50本寫真支持Cammi。