May 23, 2011

失戀打擊 整容醫生力證小儀韓國整容


最近阮小儀和金剛主持無綫的《街坊廚神》,平均收視 24點,除口碑不俗外,有網友發現她在節目中忽然靚咗,更熱烈討論她是否整容。本刊收到消息,去年初,小儀與出版社男友黃志暉( Theodore)分手時,曾秘密遠赴韓國的星級整容醫院 UcanB,整鼻和削腮箍煲。可惜復合不久,男友又玩失蹤,再飛小儀,令她傷上加傷。

執靚樣標尾會不成,小儀頻頻叫身邊好友介紹男士給她,無奈暫未有着落。快將 41歲的小儀,繼續過 dry爆剩女生活。本刊到首爾 UcanB直擊,獲院長親證她曾來整容。為求嫁得出,小儀不惜大執搏翻身。

去年到韓國整容後,小儀變成尖面高鼻,自信心急升,更接拍纖體廣告以全新形象示人。

在飲食節目《街坊廚神》中,小儀明顯由豬膽鼻變成間呎鼻,梯形面變尖面。有好友大讚她靚女時,小儀開心到忘形,不經意自爆在去年初曾到韓國整容。
其密友透露:「小儀話佢去好多韓國明星幫襯嘅 UcanB整容,係美容界嘅朋友介紹。佢攞咗假先至預約,事關佢想喺嗰邊唞吓,消晒腫先返香港。佢話嗰兩個醫生手勢好好,一個星期左右傷口就好晒,麻醉藥 過晒後都唔算太痛。佢怕撞到香港人,養傷期間唔敢去街,日日匿喺酒店。嗰陣佢同 Theodore(出版社男友黃志暉)拍咗幾個月拖, Theodore就飛咗佢。小儀好傷心,周圍打電話向人哭訴,又話好掛住 Theodore,掛到瞓唔着。佢話之後個樣執靚咗,信心先返晒嚟,仲狂 keep fit拍纖體廣告。 Theodore見佢瘦咗又靚咗,再追番佢。不過去年中 Theodore升做尚方文化出版社嘅 CEO後,突然潛水,唔聽小儀電話,留言又唔覆,飛多小儀一次。整靚咗都留唔住個男友,小儀好傷心,我哋班朋友就叫佢以後要帶眼識人。」


梯形面
原本小儀是梯形的 pizza面,平面方角,的確缺乏吸引力。




豬膽鼻
鼻扁扁的小儀,雖然未算插蘇鼻,但豬膽鼻形,與現在的高鼻完全是兩回事。

現在的小儀不論正面側面都標致咗啲,尤其是間呎鼻更加突出。

首爾 UcanB整容醫院直擊

整面專家金起甲、整鼻專家金駿昊
UcanB整容醫院的兩位院長金駿昊(右)和金起甲見到小儀的照片時,金起甲即表示認得她,並指她曾到來整容。


金駿昊曾替韓國名歌手蔡妍(左)和明星李何娜整容,當地傳媒亦不時訪問他,在韓國整容界甚有名氣。



UcanB位於首爾商業區一座商業大廈內,大廈外並無招牌,非常隱蔽。

UcanB佔三樓全層,門口接待處雖小,內裏卻有 2個手術室、 3個治療室、 3個病房和 X光房等。

操流利普通話的護士向記者展示整容例子,並表示可照住來整。


金駿昊檢查完記者的鼻子後,即推介記者用耳仔軟骨來隆鼻。

盡地一煲標尾會
其實小儀一向 恨嫁, 05年同拍拖 7年的理工設計系同學分手後,努力學廚藝,希望以內在美取勝。無奈外形所限, dry足 4年。 09年在拍檔森美介紹下,認識同樣外形平實的出版社男友 Theodore。小儀一向表示想結婚生仔,難怪步入四字頭,盡地要一煲變臉尋春。
本刊記者到韓國首爾直擊小儀幫襯的整 容醫院 UcanB,發覺院內有不少韓星整容的照片,包括蔡妍和李何娜等。該星級整容醫院位於首爾市中心江南區,由於有接待中、台的「整容旅行團」,故有操流利普 通話的護士招待病人。醫院內有數間病房和手術室,設備一應俱全,病人可以留宿。

當記者甫入內,護士便帶記者去會客室,以普通話向記者簡單講解整容過程,其間勁 sell兩位院長金駿昊和金起甲是院內整鼻和整面高手,又謂有不少韓星都幫襯他們。之後兩位院長做完手術,護士帶記者去二人的辦公室。記者表示想隆鼻和削 腮骨,專門整鼻的金駿昊透過翻譯表示:「依家整鼻唔痛 o架,最多人想整金喜善個鼻,不過唔好一次整得鼻樑太高,整少少效果自然啲!」至於專門整面的金起甲就說:「削腮骨喺口腔內開刀,一定冇疤痕!但做完要休 息一星期先可以搭飛機。」

記者用手機向兩位院長展示小儀的照片,問二人對她有冇印象?金駿昊說:「唔係好記得!」另一位院長金起甲聞言,主動看看照片,然後笑笑口話:「我認得佢!(真係嘅?)係呀,係呀!我記得佢,因為佢好心急返香港,想快啲走,做完手術翌日來覆診,就猛問幾時可以搭飛機!」



網友睇完《街坊廚神》,熱烈討論小儀是否整過容。


小儀:可能狀態好咗
據悉小儀去年到韓國整容時,請了一星期假。周六她做完電台節目,即刻趕搭飛機去首爾,甫落機即做手術。當時醫生力勸她留院一晚,翌日才轉往酒店暫住。由於 削完腮骨,要休息夠 7日才能搭飛機回港。一個星期後,她周五覆完診,搭夜機返港,翌日即開咪做節目。知情人士透露:「小儀同人講佢去咗日本,不過大家見佢冇買嘢返嚟,都唔係 好信,原來去咗整容。」

就 UcanB醫生力證小儀整容,本刊於周三( 18日)記者向小儀求證,她表現避忌。
記: 記者 小:小儀
記: 有網友讚你個樣靚咗喎。
小:(開心)我拍完《街坊廚神》,出街個個見到我都係咁講,讚我真人靚過上鏡!
記: 聽聞你去年初去過韓國整腮骨同個鼻?
小:(尷尬)我真係冇,我冇去過韓國……其實我覺得可能係精神狀態好咗,我覺得自己冇分別。近年我識咗黐假眼睫毛,有時有專業人士幫我化妝,打咗鼻影,個鼻咪高咗囉……你問我想唔想整,我想 o架,但唔夠膽囉。

小儀 09年中認識出版人黃志暉,二人拍拖一年多,又分又合。小儀兩度被飛,愛情重傷。

剩女小儀齋爆

5月 12日
近日小儀和金剛主持的飲食節目《街坊廚神》日日開工。拍足一日的小儀就算晚飯前收工,都沒有約朋友,立即乘的士回家,


5月 13日
在中環拍攝《街》期間,小儀趁空檔到附近的髮型用品店睇風筒。最奇怪的是沒有頭髮的金剛竟然在旁俾意見。


5月 17日
《街》的拍攝工作日前已經煞科,只有電台工作的小儀,放工後即與友人駕車回家,繼續做宅女。在等鯩期間小儀已急不及待拿 iPhone解悶,勁 dry!

整容$3000起錶
韓國首爾整容事業屬於全球第一,單是整容醫生已約有 1500個,有一半整容醫院集中在狎亭洞的十字路口,令這裏成為有名的「整容街」。韓國男女整容是家常事,有父母將整容手術作為兒女的生日禮物,就連前總統盧武鉉也承認整了兩次容。
整容的部位應有盡有,最常見的如削面骨、抽脂、隆胸、高鼻樑、厚薄唇等,其中打 botox三千港元便有交易。

07 年,吳文忻曾到韓國接受七項整容手術,包括削鼻骨、下巴及額頭注脂、眼角、下顎及眉頭打 botox去皺瘦面、注入骨膠原豐唇、 EMAX去斑及屁股溶脂,手術費要 15萬。她表示:「嗰陣我以為做全身麻醉,點知醫生只係幫我做『睡眠麻醉』。 15分鐘後醒番,聽到醫生開我個鼻,喺度係咁鑿,真係好大壓力,直情想掉頭走!依家諗番都有啲嬲。」


吳文忻是香港首個承認到韓國做整容手術的女星,當時在香港引起不少回響。


女子組合 Freeze的成員甄穎珊,也曾到韓國做過眼、鼻和隆胸整容手術,可惜星途未見光明。

取耳骨隆鼻
小儀做了隆鼻和削腮骨手術,手術費分別是 3萬和 5萬港元。隆鼻手術需時 1小時,要進行局部麻醉,首先將耳仔沒功能的軟骨取出,再從鼻腔植入鼻孔內,所以不會留下疤痕,而且用耳骨效果更自然。翌日再返醫院複診及清潔傷口,並服 消炎及止痛藥一星期。部分病人做完手術後一星期內,會經常流鼻水。約一星期後,傷口的瘀腫便會消散。而完成手術後的第三日便可搭飛機離開。

削腮骨要半身麻醉,ɚ開口腔肌肉,再用鎚仔和手術刀削細腮骨,完成後縫合傷口,手術要 3至 4個小時。由於在口腔內開刀,故不會見到有疤痕。病人做完手術當晚,通常會在醫院過夜休息,一星期後始可以搭飛機。
隆鼻手術在韓國非常普遍,過程簡單快捷,完成手術即可離開診所,不用留院。




森美:應該係整咗
小儀唔認變臉,不過拍檔森美就玩踢爆。
記:記者 森:森美
森:小儀係靚咗、索咗好多。自從今年初轉咗髮型時,成個人唔同晒,好似吳日言咁。
記:傳佢去年初去韓國執靚咗喎?
森:咁應該係啦!無理由爭咁遠呀,梗係有唔同啦!好明顯塊面瘦咗,腮骨削咗,鼻樑高咗!應該整咗鼻樑,同割雙眼皮。
記:咁佢靚咗,你對佢有冇改觀?
森:我唔鍾意佢靚,我鍾意佢以前多啲,越醜樣越好。我對咗佢好多年啦,如果佢越嚟越索,我年紀大會心臟病發。
記:你有冇問過或讚過佢?
森:我唔知佢有冇去過韓國喎。
至於新拍檔金剛則力撐她說:「小儀不嬲都咁靚啦!如果佢真係有整容,整到咁就唔得啦!」非常抵死。
雖然小儀整完容都唔算好靚女,但為標尾會嫁得出,她不惜改頭換面,真係用心良苦!


周三( 18日)本刊向小儀求證整容一事後,她即在微博自爆,顯得非常緊張。

尷尬摸腮
小儀被本刊記者問及曾否到韓國削腮骨,她下意識地摸摸腮骨說:「呢排個個都讚我真人靚過上鏡!」

試摸鼻樑
小儀叫記者摸鼻測試有否加工過。但現時用耳仔軟骨來隆鼻,同自然鼻骨喺手感無異。

森美踢爆
森美讚小儀近期「靚咗」,未待記者開口,他已經說出小儀削腮骨及鼻樑高了。

密友撐靚
商台 DJ兼小儀好友朱薰亦認同她比以前靚,更抵死說她「執漏了高度」。

金剛懷疑
金剛笑指小儀走可愛路線,更驚訝表示她若整了容的話,實在整得太差了。

買定姑婆屋
小 儀自從理工大學設計系畢業後,於 1996年加入商業電台,初期於廣告部擔任創作工作,之後才轉職為 DJ。雖然她與森美的節目深受年青人歡迎,但在 2006年二人在節目《架勢堂》舉辦香港十大「最想非禮的女藝人」選舉,因意識不良捱轟,結果節目停播及二人停薪留職 2個月,作為處分。

但此事影響不深,之後小儀更嘗試多線發展,包括出書、拍劇、主持電視節目、舞台劇和廣告代言等,年賺逾 300萬。雖然小儀 96年以 280萬買入置富花園,於 07年以 233蝕讓。套現後她再以 385萬買入薄扶林花園,現價約 750萬,升值近倍,曾戲言是姑婆屋。


薄扶林花園

小儀於本月買了 35萬的白色 Audi A1房車,越買越豪。

No comments:

Post a Comment

Follow by Email

随机乱放