September 20, 2010

公園磨佬激嬲真老細 蔡慧敏:俾佢累死!

以 37F巨乳獲封大乳牛的無綫前姐仔蔡慧敏, 06年同小雪前夫陳迅元在台灣爆房斷正不久,便消失娛圈。 4年後再蒲頭,頭炮力作竟然又是搭上有婦之夫、楊紫瓊胞弟楊南日,被雜誌圖文並茂中環公園就地正法。

原來哺「乳」類動物唔只楊南日一個,本刊發現秘密回流的蔡慧敏在銅鑼灣向友人哭訴,「正法」一役,激嬲身在美國的真命老細、珠寶集團老闆 Rice,隨時棄乳潛逃!

週日(12日),蔡慧敏與友人在銅鑼灣茶敍,席間面色擔憂,邊講電話邊掉淚。

自從深入小雪家庭旅行、搞到小雪與永安旅遊前太子爺陳迅元離婚後,大乳牛形象深入民心的蔡慧敏,把心一橫赴美進修,入讀名校 University of California選修法律和經濟課程,完成三年學業後,發現自己仍然對香港娛樂圈不捨,於 7月靜靜回流香港。

上週五,楊南日獨自在香港機場入境大堂出現,自稱來港公幹的他冷漠回應:「與蔡慧敏冇關係!」《蘋果日報》圖片

上週三( 8日),蔡慧敏與楊南日公園正法被登上雜誌封面,蔡慧敏自爆楊南日妻子事後嬲爆,更曾致電給自己訴苦。

珠寶集團老闆 Rice
蔡慧敏的 Facebook相簿內有不少與此洋人的親密合照,據悉此人正是珠寶商男友 Rice,合照近日更突然被刪除。


男友開珠寶店,蔡慧敏與友人道別後閒逛時,亦顯得對珠寶金行特別感興趣。

回流香港的蔡慧敏再憑公園磨爆人氣翻生,上週六她便以代言人身份往澳門出席婚紗店活動。

淚灑老銅
工作未見有真功夫, 先爆公園被人夫正法醜聞,本刊週日( 12日)在銅鑼灣怡東酒店目擊蔡慧敏與友人在咖啡室見面,大乳牛一心要向友人傾訴,手機卻不斷響起,電話內容似是向另一友人訴苦:「好嬲呀!搞到我好 cheap!鶽家點算呀…… Rice又唔打電話畀我……」記者聽到愈講愈激動的蔡慧敏哽咽向友人訴苦:「呢單嘢佢喺美國知道咗好嬲呀!今次真係俾姓楊嗰個人累死!」與友人道別後,記 者向在商場閒逛的蔡慧敏表明來意,蔡慧敏表示不想再提,婉拒訪問。


去年在美國加州大學畢業的蔡慧敏特別發相向傳媒力證自己學有所成。

真命有米
據知情人士透露,蔡慧敏怕激嬲的原來是她身在美國的真命男友「 Rice」:「佢喺美國呢幾年返學日日着到好樸素,話想平平淡淡!美國佬唔知咁多香港嘢,所以都唔少人追佢,佢有個日本男朋友仲係拍過《最後武士》第四男 主角、又有一個係喺北京開酒店嘅太子爺!至於 Rice則係美國商人, 46歲,有好多間珠寶店,嚟緊仲想喺中國開分店!蔡慧敏今次真係唔小心,佢話楊生冇戴戒指,次次約出街又好易約,人哋唔講佢咪唔問囉,點知係有老婆!仲要 飲多咗搞到咁大鑊,佢鶽家最驚係同 Rice因為咁玩完咋!」

唉,既然最緊張係「米」飯班主,就咪飲咁多啦!

暴乳貝沙灣
相隔四年再次與有婦之夫搞上封面,蔡慧敏多次表示相當後悔,還在成年都未更新過的個人網誌上,發表足兩行長的懺悔語錄以示誠意。不過後悔還後悔,天口咁熱 都要消吓暑,蔡慧敏就在現時居住、於 04年以 681萬(市值 2千萬)購入的貝沙灣會所泳池附近留下 8張泳衣倩影,作為懺悔網誌的配相,唔知楊太睇完相有冇下咗火呢?


96年參選亞姐出身的蔡慧敏,多年來除了 37F巨乳外,最多人熟悉是不時與富商扯上關係。

八張泳衣照分別攝於貝沙灣每個角落連大堂都有,但每個 pose都大同小異。


蔡慧敏在網誌內以英文寫下懺悔語錄,表示以後要行為檢點及少飲酒。

開房代表作
出道多年的蔡慧敏影視作品欠奉,代表作首推 06年陳迅元帶着妻子小雪及女兒齊齊在台灣旅行時,入住同一酒店更深宵與蔡慧敏入房幽會。小雪因此迅速與陳迅元離婚劃清界線,近年已改嫁並再產下一子。



在美國讀書三年不乏追求者,據知蔡慧敏其中一位前男友是湯告魯斯 03年舊作《最後武士》第四男主角小山田真,現年 28歲的小山現時在荷里活發展,設有英文網站及自家工作室。

No comments:

Post a Comment

Follow by Email