June 23, 2010

國產劉心悠 朱裕琳擰蛇腰贏Yumi

冬甩寫真大賣,成員之一的「國產劉心悠」朱裕琳(Caroline)憑巨胸長腿率先彈出,成功揮低尹蓁曦(Yumi)接棒升任美容中心代言人。日前Caroline穿上比堅尼泳裝拍廣告,瞓身戲水大騷33D咪咪,開工半日已穩袋六位數酬勞!

來自河南的Caroline,挾○八年環球比堅尼小姐大賽全國第五名的餘威,殺入o靚模界,最近更被Dr.Renew美容公司睇中,邀請擔任未來兩年的代言人,取代去年Yumi的位置。Caroline日前專誠由廣州來港拍廣告,開工半日已勁賺六位數酬勞,她興奮地說:「有廣告拍梗係開心!(你搶咗Yumi飯碗?)係咩?唔知道,可能佢哋鍾意我條43吋長腿,希望大家唔好當我係o靚模,想以熊黛林為目標,好似佢咁紅。」

三點式周圍走

Caroline擁有五呎九吋身高,集胸大、腰細及腿長三大優點,難怪穿上比堅尼泳衣後仍自信心爆棚,在鏡頭前狂拋33D巨咪,擺出S形誘人Pose,連不用埋位都着住泳衣行來行去,她笑住解釋:「做Model係咁,唔可以太扭擰,以前喺上海行過LV騷,所有女仔都喺後台火速換衫。」

扮飄逸無難度

拍攝期間,由於要營造飄逸微風吹的感覺,Caroline要不停被風扇吹住秀髮,又要在迷你水池中玩踢水,幸仍能應付自如,拍了幾個Shot攝影師已收貨兼大讚滿意。問到拍攝前有沒有節食減肥?她說:「一向身材都Fit,只係最近每晚睇世界盃,狂食零食肥咗少少,所以拍攝前有抽時間去做機纖吓條腰,而胸部就無乜點變,因為Keep住每星期游兩次水。」

Caroline
Caroline憑五呎九吋身高、上圍豐滿、纖腰及長腿成功脫穎而出。

Caroline
Caroline以名模熊黛林為目標。

Caroline
為免走光,Caroline不時自我檢查。

Caroline
Caroline急不及待觀看自己的照片。

Yumi
Yumi

No comments:

Post a Comment

Follow by Email

随机乱放