May 3, 2010

重新做人 王馨平

淡出娛樂圈與投資公司老闆 Stephen結婚九年的王馨平,婚後熱心投入公益活動,除了經常打高爾夫球為慈善機構籌款,她還會去老人院做義工、探訪,能夠幫人之餘,她坦言也令自己尋回自我,她輕拍着身邊一個老人家的手說:「以前講嚟講去都係講自己,真係想像唔到可以咁樣同佢哋傾偈。」

王馨平

不再自我
做了少奶奶的王馨平( Linda),從老友記慈善基金執行總幹事口中得知葵涌有間老人院門前有條長樓梯,三年來政府都不改建成斜路或加建升降機,搞到老人家上落好辛苦,她即落區視察,仲氹到班老人家鬼咁開心。
九三年憑《別問我是誰》一曲爆紅的她,回想做歌手時,做善事只是唱歌籌款,鮮有探訪,她笑說:「當時探自己屋企人都無時間。」印象最深刻是去台灣、新加坡宣傳時,到當地醫院探訪老人家,「喺醫院嘅老人,比今日嚴重好多,有好多老人家洗腎,直情唔講得嘢。」

今次兩小時的探訪, Linda除派福袋,還坐低同老人家「談心」,她感觸說:「以前我想像唔到可以咁樣同老人家傾偈。」想像不到,因為當紅時,人人追捧她,自我中心愈來愈厲害,「做訪問講嚟講去都係自己嘢。結婚之後,識咗唔係呢行嘅朋友,開頭講嘢也講自己,後來發現,點解唔可以講吓人哋,同人傾偈應該關心人哋。」所以她會聆聽院友的故事,遇啱院友講國語,她即使出看家本領,用母語——流利國語對答,同聲同氣更親切。

Linda今次還落手落腳幫院友執拾、鋪床單等,仲親自坐吓、㩒吓老人家的床褥,看看是否適合他們,「我哋打算捐一批床褥俾佢哋。」
派福袋,LOREAL護膚品、四洲餅乾
派福袋
Linda向老人家派福袋,福袋內有 LOREAL護膚品、四洲餅乾等,該基金更為長者派發熱飯、寒衣送暖及為長者拍照,發揮老友記精神。
王馨平傾心事
傾心事

心靈溝通同樣重要, Linda坐低和院友傾心事,婆婆說有看她父親「獨臂刀」大俠王羽的戲, Linda即撒嬌說:「咁我媽咪呢?」
王馨平
王馨平
送祝福
院友認得她是歌手,找她簽名, Linda寫上「祝身體健康,天天開心」的字句。

多陪家人
不過她覺得要關心人,最重要先關心自己家人, Linda母親林翠九五年哮喘病猝死,幸好父親王羽朋友多,經常飛日本和泰國找老友,台灣又有兩個妹妹及孫兒陪他,她又會致電父親轉告朋友向他問好, Linda滿足說:「細個爸爸好嚴,唔會同佢傾太多,長大咗會傾吓日常嘢,叫佢同朋友少飲酒。」

老爺奶奶每年夏天均返多倫多避暑,她與丈夫會前往探望,至於夫妻相處之道就貴乎尊重和溝通,他們夫婦倆幾乎每晚也回家一起吃飯,有應酬亦會預先通知老爺奶奶,「你俾個電話佢,唔使一分鐘,佢已經好開心。」不過最重要是做好自己本分,「我哋自己有日都係老人家,要諗自己以後嘅路。」

王馨平做運動
做運動
Linda與執行總幹事林榮岳(中)同老人家一齊做手部運動舒筋骨。
王馨平送床褥
送床褥

她打算捐贈床褥,但叫記者不要提,「我信佛,幫人時唔覺自己了不起,係別人受難才成就自己嘅慈悲。」

王馨平
提建議

Linda見到長樓梯令婆婆行到氣喘,即時很擔憂。

王馨平
婚後 Linda甚少與丈夫出席公開場合,「無事都可以寫到婚姻有問題,唔想搞到家人最好唔好出嚟。」
王馨平兒時和母親及父親合照
Linda兒時和母親及父親合照。

No comments:

Post a Comment

Follow by Email