May 31, 2010

挾春宮片人氣世盃爭食 國產車模獸獸單挑水着港女

四年一度的世界盃將於下月 11日殺到埋身,全港數十個會安排世盃直播的大型商場,為吸引更多人流到場睇波,紛紛邀請人氣水着 o靚模出席活動爭客。而今年初疑被舊男友將二人性愛片段放上網的中國第一車模獸獸(翟凌),下月中也會首度來港,出席世盃宣傳活動,單人匹馬挑戰周秀娜等一班本地薑爭飯碗。

因有線購得今屆世界盃獨家播映權,無綫和亞視只能在數碼頻道播放四場重要賽事,令全港逾百萬沒有安裝機頂盒的市民,無緣在免費電視頻道欣賞這個四年一度的盛事,各大商場遂紛紛安排直播世界盃以吸引人流。保守估計,全港將有逾 40個商場直播世界盃賽事,包括時代廣場、海港城、奧海城、 apm、銅鑼灣世貿中心、大埔超級城、德福廣場、荃灣廣場、屯門市廣場、黃金海岸和青衣城等等。

獸獸收六位數酬勞

為爭取世界盃人流,各大商場除直播賽事外,也各出奇謀設計世盃主題佈置,又邀請藝人及近期大熱的水着 o靚模到商場宣傳,甚至陪市民一起睇波,一班新舊 o靚模如周秀娜、新 8模、百果園 E神陳靜和浸大咪神楊梓瑤( Carol)等人成為商場搶手貨外,據悉連內地第一車模獸獸(翟凌)也會於下月中首度來港,為大埔超級城的世界盃活動宣傳造勢,與一班香港 o靚模爭飯碗。

獸獸因與舊男友的性愛片段被人放上網廣為流傳,人氣暴增,據知商場方面為求爭取到獸獸的頭啖湯,不惜花費 6位數字酬金邀請她來港。記者昨日致電新鴻基地產租務總經理馮秀炎求證時,她直認不諱說:「係有咁嘅事,獸獸係第一車模,又靚女又高大,喺內地 hit爆,名氣仲大過周迅,由於佢未嚟過香港出席活動,相信佢能夠帶動更多人流嚟商場睇世界盃。」問到獸獸有多少酬金時,馮小姐說:「 6位數字,我哋覺得非常合理,雖然之前佢有負面新聞,但負面新聞已經變成正能量。」

至於奧海城則邀得周秀娜打頭陣,信和集團商場推廣總經理蘇蔡潔蓮昨日說:「奧海城以鑽石做世界盃主題,下月 11日周秀娜會同新 8模喺現場同觀眾一齊睇波打氣,而準決賽同決賽我哋就會同 TVB一齊合作舉行世界盃節目。」

周秀娜至少賺百萬

世界盃已近倒數階段,周秀娜單是本月至 7月中已先後接下香港和廣州最少八個商場騷,以每場平均最少 9萬元酬金計,加上被 Yahoo網站邀請講波、在世盃期間為百威啤酒做廣州區代言人,以及替某名錶唱世界盃宣傳歌,即荷包最少進賬逾百萬。

近日頻頻出席世界盃活動的周秀娜,收到大量不同主辦單位送贈的紀念球衣,她昨日在電話中說:「我屋企個衣櫃依家儲咗好多波衫,乜嘢國家嘅球衣都有,我真係做埋集郵女星。」

至於百果園 E神陳靜和浸大咪神楊梓瑤身價雖不及周秀娜,但兩女的世盃商場騷價也有 15,000元到 20,000元不等,視乎出場時的衣着打扮而定,價錢會與露出的事業線長短成正比, Carol昨日在電話中說:「公司話有同我傾緊世界盃 job,但錢銀嘅嘢交晒畀公司安排,我唔方便講,不過我好抵用 o架,乜嘢活動我都想試,我想趁暑假賺多啲零用錢。」又謂世盃商場騷的性感底線是三點式。

陳靜拍世界盃網劇

34E的陳靜昨日則說:「經理人話好多商場騷搵我,但要度啱時間,呢排拍緊同世界盃有關嘅網劇,嚟緊又會幫電台做世界盃宣傳。」

此外,人氣爆燈的天氣女神黃婉曼就被 apm包起,與著名巴西前國腳、有「白比利」之稱的薛高( Zico)一起主持商場世界盃活動。

內地車模獸獸
內地車模獸獸下月來港搶攻世界盃商場騷,勢必與本地 o靚模掀起一場激烈胸戰。互聯網圖片

獸獸
獸獸在內地主力做車模,因樣靚身材正大受歡迎。

新 8模
今夏出道的新 8模食正世界盃時機,借商場騷催谷人氣。資料圖片

周秀娜
周秀娜成為世界盃商場騷搶手貨,估計至少有百萬酬勞落袋。資料圖片

浸大咪神 Carol
浸大咪神 Carol趁世界盃強勢出擊,落力搵錢。資料圖片

百果園 E神陳靜
百果園 E神陳靜
舊 8模 A.Lin不介意性感撐世盃,Annie G.更會到酒吧打碟兼陪睇波。資料圖片

百果園 E神陳靜
百果園 E神陳靜期待世界盃來臨,因既可睇波又可搵真銀。資料圖片

我是誰:舊愛網上發放淫片

來港搵食的獸獸,原名翟凌,被譽為中國第一車模,現年 22歲的她原籍山東,三圍 33.5、 24、 33.5,曾奪 05年中國內衣模特兒大賽總決賽亞軍、 2006年絲綢之路國際模特兒大賽中國賽區總決賽季軍及 2008年北京國際汽車展覽會汽車模特兒大賽亞軍。

今年 2月網上流傳三條性愛短片,片中一名年輕女子為男子口交兼自摸,其後證實淫片主角正是獸獸,有指將淫片放上網的正是 06年曾與獸獸拍拖的楊迪,男方為一攝影師,傳楊迪因不忿被飛,故在網上發放性愛短片,他更被冠為「大陸陳冠希」。之後有報道指獸獸不堪打擊自殺,她後來在博客回應:「我一切都好,更沒有自殺……我會堅強的面對一切。」其後又就此事向網民道歉,指片段「污染了大家的眼睛,我也有一定責任」。

獸獸,楊迪

話你知: o靚模滲透港九新界

80後 o靚模近日除晒胸出寫真集搶攻書展,也爭做各大小商場騷谷人氣兼搵真銀,適逢各大商場借世界盃之名搞騷搶客,力邀一眾 o靚模宣傳,令眾女可走遍全港。

動漫 Maggie
動漫 Maggie

Rainbow

Irene
Irene

人物:周秀娜 每場騷價:約 9萬 出騷場地:銅鑼灣、奧海城、廣州

人物:百果園 E神 每場騷價: 1.5萬至 2.5萬 出騷場地: apm及大埔超級城

人物:浸大咪神 每場騷價: 1.5萬至 2萬 出騷場地:奧海城

人物:趙碩之 每場騷價:約 2萬 出騷場地:奧海城

人物:新 8模 每場騷價:約 6至 8萬 出騷場地:奧海城、將軍澳新都城

人物:動漫 Maggie 每場騷價:/ 出騷場地:觀塘 apm

人物: Rainbow 每場騷價:約 1.8萬 出騷場地:九龍灣

人物: Irene 每場騷價:約 1.5萬 出騷場地:九龍灣

人物: Liz 每場騷價:約 1萬至 2萬 出騷場地: apm及大埔超級城

人物: Annie G.、 Hailey C. 每場騷價: 3萬 出騷場地:港九酒吧直播打碟

人物: A.Lin、 DaDa 每場騷價: 2萬 出騷場地:待定

人物: Yumi 每場騷價:約 5,000元 出騷場地:奧海城

人物:獸獸 每場騷價: 6位數字 出騷場地:大埔超級城

No comments:

Post a Comment

Follow by Email

随机乱放