April 29, 2010

何超蓮感激前前度

FBI早排收到二五提供多張超蓮男友 Jeremy Wong嘅攬女相,其中一張 Jeremy仲同個女仔戴埋情侶戒指,鬼咁親密。事後二五再幫 FBI八到,相中少女原來係 Jeremy前前度女友 KaKa,而 KaKa就曾經喺時裝店做售貨員,跟賭王女出身差好遠喎,唔通 Jeremy為咗追掂賭王女而飛起 sales女友?

超蓮
一向鍾意靚仔嘅超蓮表面話唔介意 Jeremy同前前度嘅親密相流出,暗地有冇藐爆對方, FBI就唔敢估喇。相信 Jeremy唔會好似《前度》嘅陳偉霆同前度女友阿嬌咁,一齊浸泡泡浴咁大膽啩?

日頭唔好講人,上星期 FBI又喺銅鑼灣撞到超蓮同女性朋友喺總統商場行街街,當日佢拎部手機去維修, FBI即捉住佢,問佢有冇睇過 Jeremy嘅攬女相。超蓮好大方咁同 FBI講:「哦,個女仔係 Jeremy嘅前度再前度女朋友,佢哋已經分開咗。(介唔介意?)唔會,我接受到嘅,每個人都有過去 o架啦……啲相都唔知邊個拎出嚟嘅,等我返去問吓(男友)先。」

超蓮仲同 FBI講下星期會飛返英國繼續讀書,男朋友 Jeremy就留喺澳洲升學。到時一個東一個西, Jeremy咁靚仔,超蓮真係睇實啲好喎!

超蓮,Jeremy wong
Jeremy同前前度女友 KaKa 08年拍拖,二人唔單只遊迪士尼,仲戴埋 Tiffany情侶戒,關係好親密喎!

Jeremy,前度女友 KaKa
Jeremy同前前度女友 KaKa 08年拍拖,二人唔單只遊迪士尼,仲戴埋 Tiffany情侶戒,關係好親密喎!

超蓮
千金詐嬌
一提起 Jeremy攬女相,超蓮就顯得有啲緊張,仲皺晒眉頭求 FBI唔好刊登!咁維護男友, Jeremy真係要錫晒超蓮喇!

超蓮
求吓你,唔好登呀!(真實對白)
超蓮
超蓮
搶閘訂婚
超蓮同 Jeremy上月被影到戴住情侶戒指出街。話咁快, 18歲超蓮已經喺佢 facebook宣布自己訂咗婚,唔通想快過佢哎吔家姐超盈結婚?
超蓮
王晶绩實
Jeremy返咗澳洲讀書,搞到超蓮要孤伶伶留喺香港,上星期六佢就同一個女性朋友孖住去睇 Twins演唱會,仲俾坐喺佢附近嘅王晶绩到實。喂,人哋係賭王女,唔好打佢主意呀!

超雲高人「指點」
講完超蓮,最近 FBI又八到一單關於佢親家姐超雲嘅料。話說超雲一向好想入讀英國著名學府 Central Saint Martins College of Art and Design讀時裝設計。呢個學校話晒都係時裝界最 top嘅學府,唔少大師,好似 Stella McCartney同 John Galliano都喺呢間學校畢業,咁超雲想入呢間學校都唔係話有錢就得,其中一瓣就係睇畫功喇。於是超雲即刻走去搵大師指點炮製幾幅畫作,奇怪係呢批畫作嘅畫風同超雲一貫好唔同。 FBI冇亂諗呀!

超蓮
Central Saint Martins
Central Saint Martins係時裝界超級學府,勁恨考入去嘅超雲搵高人幫手都可以理解嘅!

No comments:

Post a Comment

Follow by Email

随机乱放