March 28, 2010

東京大解放 周秀娜夜店任摸

周秀娜(Chrissie)和楊穎(Angelababy)上周再度交手,於日本橫濱舉行的「 Tokyo Girls Collection」台上行騷。其中示範運動裝的周秀娜,原本在十字台中央拉開外套拉鍊,大騷 32D天賦身材,可惜臨出場前一刻,卻被大會要求左手孭袋,右手派禮物,胸前嘅「事業線」最終要在後台才能大派用場。
「事業線」露得遲,但無損周秀娜的興奮心情。完騷後,她隨即到東京六本木參加 after party,其間更被當地著名攝影師米原康正捽手搓頸兼摸腰。剛進軍日本市場的周秀娜雖然蝕咗底,但都冇計!
周秀娜被人捽手
捽手
上周六( 6日),密實打扮的周秀娜在東京夜蒲時,遭攝影師米原康正連環四式抽水。
上周六( 6日)晚上十時,剛行完騷的周秀娜搭火車由橫濱返回東京,在 JR涉谷駅外,她興奮地對記者說:「行完心情好輕鬆,我全日淨係食咗個豚肉定食,依家最想放盡咁食。」之後周秀娜在容祖兒前男友,有「日本通」之稱的陳方藤帶路下,與全男班工作人員食拉麵填肚。
周秀娜被人搓手臂
搓手臂
周秀娜被人攬腰
攬腰
周秀娜被人掃 pat
掃 pat

遭連環抽水
飽暖後,周秀娜意猶未盡,轉場到位於六本木的「 f.」酒吧狂歡。着上窩釘背心裙襯閃銀色 legging的周秀娜,甫進場已被數個如狼似虎的日本男子重重包圍,其中一位更是靠以即影即有相機影靚相闖出名堂、與 Angelababy等香港 o靚模熟絡的攝影大師米原康正。
米原康正一見到周秀娜,便以純熟的手法攬住她的腰,更叫人遞送一杯白酒給她。正當周飲酒飲得興起,米原就提議在酒吧即場替她做穴位按摩,周還未及反應,已被米原捉住其手掌狂捽。及後,她的頸、手臂和背相繼被米原摸勻。雖然俾人抽水,她依然裝作若無其事,逗留至凌晨三時才離開。
事後周秀娜向記者說:「日本人係熱情啲!米原康正好好人,經常介紹啲日本朋友俾我識。喺得酒吧玩,有少少身體接觸在所難免,嗰晚佢老婆都喺度 o架!」即使蝕底,周秀娜依然冇投訴,的確襟撈。
周秀娜
周秀娜
周秀娜到後台時將「專業線」解放,立即挽回聲勢。

買嘢嫌貴
其實周秀娜自去年 9月攻入東瀛後,差不多每隔三星期便要赴東京,與日本經理人開會及為當地雜誌影相。她說:「我最鍾意搭凌晨機去東京,可以慳啲時間,喺機上瞓覺。」周秀娜表示,起初還會有當地工作人員帶路,但現在每次赴日工作,她都係自己搞掂。「好多時都係一落機就去 studio影相,我試過一個人拖住兩箱大喼,喺機場搭巴士出市區。都唔會好驚嘅,日本治安好好,日光日白唔會有啲咩奇案發生!一有時間,我就搭 JR捐窿捐罅四圍去,最鍾意去新宿伊勢丹,有晒想睇嘅牌子。不過依家啲 yen貴到攞命,睇啱都情願留番喺香港買。」
Angelababy
周秀娜和 Angelababy分別為一年兩度的「 Tokyo Girls Collection」行騷,後者以 5套衫出場鍊贏所有 o靚模。《蘋果日報》圖片

直擊周秀娜東京生活
周秀娜
3月 5日正宗刷牙
有衛道之士鬧周秀娜刷牙寫真意識不良,真實版其實幾正宗,牙膏冇滴到落心口。
周秀娜
極速執喼
記者計過她只需要 8分鐘就將喼執好!
周秀娜
之後她搭 JR山手線由涉谷出發到新宿。
周秀娜揀女裝性感內衣
第一站去伊勢丹揀女裝性感內衣和男裝內褲,最終忍手冇買:「我仲未送情人節禮物俾 Avis呀,不過冇理由用六百幾蚊買條底 o架!」
周秀娜狂揀內衣
狂揀內衣
周秀娜睇寫真取經>
睇寫真取經
下月她拍攝寫真,順道到書店睇女優寫真偷師,睇到皺晒眉,「嘩!啲甫士都好激,我諗我唔夠佢嚟!」
周秀娜,陳方藤
3月 6日完騷醫肚
完騷後,陳方藤(左)帶同周秀娜擦拉麵,她更瘋狂將蒜頭夾碎,她說:「一陣我會好大口氣。」
周秀娜
周秀娜
3月 7日驚恐浸腳
行完一日騷,她翌日便到新宿一間美容院,浸專食死皮的魚毛 spa,初頭驚到唔敢將雙腳放進水中。之後愈浸愈興奮,更赤手撈起魚毛,「我依家隻手好污糟,掂過好多人嘅腳皮水。」
周秀娜
終於有得唞
三日兩夜的東京之旅,全程瞓得五個鐘,所以一返到酒店立即瞓。

自揭冧 o架仔秘技  Angelababy:我剃晒啲毛
一條「事業線」,令周秀娜在今季「 Tokyo Girls Collection」的後台搶盡鋒頭,而 Angelababy則在騷上先後換上五套衫出場,成為曝光率最多的 o靚模。
據知 Angelababy攻日僅僅年半,經已成功洗劫 o架仔千萬港幣。原來 Angelababy亦有獨門秘技,靠剃毛去攻陷 o架仔歡心,她說:「我會剃晒啲毛,咁樣佢哋(日本人)先會有幻想。」唔好心邪,係手毛腳毛啫!
Angelababy
3月 4日啜雪糕行街
當日東京只得五度,只穿乾濕褸的 Angelababy還主動提議去買一杯約港幣 25元的軟雪糕食,「我好怕凍 o架!不過我每次嚟親都會幫襯,為食係要犧牲 o架喇!」
Angelababy
Angelababy食得好滋味,買衫俾錢時經常大啖大啖啜雪糕。
Angelababy
之後她繼續帶記者到新宿街頭搵食,用流利日語向店員買了士多啤梨,「我唔貪心,揀咗支最細粒嘅!」
Angelababy
Angelababy行街時被一名日本女 fans認得,並要求合照, baby當然無任歡迎。
Angelababy
新宿巨型海報
Angelababy見到新宿駅上蓋商場掛了自己的巨型廣告牌時非常興奮,更叫記者替她影相留念。「我影咗四輯相,下季夏威夷嗰輯仲靚。」
Angelababy
最後她與助手趕搭的士離開新宿。

混血樣的 Angelababy去年初率先攻日,隨即與當地娛樂界的龍頭公司 Avex簽下 5年長約。藉着經理人公司在當地的江湖地位,以及一站式培訓和宣傳計劃, Angelababy在日本的發展亦愈來愈順。去年底, Angelababy更被日本大型百貨公司「 Lumine」睇中,以 300萬港幣利誘她擔任代言人。
Angelababy
Angelababy
Angelababy於上周三( 3日)早上 7時已抵達香港機場,準備飛東京,入閘前她和助手到書店選購時裝雜誌。

新宿搵食
上周四( 4日), Angelababy為當地三間時裝雜誌影完相後,就與助手搭的士到新宿駅上蓋的「 Lumine」掃貨。她先到超級市場買軟雪糕,邊啜邊行到一間美國品牌「 KITSON」揀衫,之後就到歌舞伎町附近買士多啤梨勁擦。
一個月要在日本逗留差不多兩星期的 Angelababy,已完全了解當地文化,更對當地的男士口味及喜好甚有研究。她說:「我每次嚟日本之前,一定會剃晒啲毛,因為日本人係鍾意啲女仔皮膚好光滑,一條手毛都唔可以有,咁樣佢哋先會有幻想。以前我會帶埋隻公仔過嚟陪我瞓,好低能!不過我都 21歲,唔可以再係咁,所以逼自己戒咗呢個習慣。喺日本好多時都係工作,試過一日三餐都留喺 studio食飯,冇乜機會行街,不過聽同事講話最近啲日元升得好犀利,好彩我係賺 Yen咋!」

各自搵食
Angelababy去年揮低 EQ奇低的 Kama成功與 Avex簽約,靠混血樣發圍,成為不少日本雜誌搶手貨。後起之秀的周秀娜則以 32D上圍殺出血路,兩個 o靚模似乎有排鬥。
Angelababy
周秀娜
周秀娜,Angelababy

您或許對這些文章有興趣:


周秀娜最愛男友吻額頭


孖妹出擊 難擋周秀娜「事業線」 A.Lin素顏拍寫真 自認「事業線」唔夠勁

32D周秀娜
女星內相: 解構女星胸相 周秀娜注定賣胸

周秀娜
封胸跑步防瞥伯 周秀娜闖樂壇唱到毛管戙

No comments:

Post a Comment

Follow by Email

随机乱放