March 24, 2010

5男 3女真假基情 爆志雲色慾亂局

志雲色慾亂局

陳志雲貪污案背後,局中有局,五男三女,爭風呷醋,攣中有直,亂七八糟。
而涉案的叢培崑( Edthancy)及藝員寧進,及已離職的助手何恒安,組成「扮攣三人組」設下迷「雲」局,先後擊退志雲同居密友 Jacky及前司機 Jerry,成功埋志雲身。另一方面,三男卻暗中大肆溝女,佢哋喺 facebook滿載攬女相,狼相盡現。出事前,阿 Ed(叢培崑)更獨家向本刊剖白︰「我係鍾意女仔!」
工於心計的阿 Ed,將志雲玩弄於股掌之中,更揸住雞毛當令箭,號令無綫各大小花旦、小生減價幫佢接騷,但最終被告發。現在廉署插手,阿 Ed固然一舖清袋,連誤墮色慾陷阱的陳志雲,都要一鑊熟。
陳志雲
最新圖片︰自閉 5日終蒲頭

上周四( 3月 11日),陳志雲被廉署拘捕,問話 39小時後,最終以 10萬元保釋出外。連日來,他足不出戶,自困在寓所雅麗居內,有傳其私人助手叢培崑阿 Ed亦在上址匿藏。不過,閉關 117小時後,陳總終於按捺不住,於周三晚 8時外出晚飯。至於昔日的志雲黨鄧健泓及張繼聰等,統統與他劃清界線;反而王喜則 call定相熟記者,多次高調帶埋喇嘛探訪志雲居。而愛將崔建邦亦親上志雲居所探望。
51歲的陳志雲, 94年加入無綫後平步青雲, 04年得六嬸重用,躍升為無綫總經理,自此在電視台獨攬大權。可惜色字頭上一把刀,聰明一世的陳志雲,卻難逃癡情劫。
陳志雲坐Benz返家
周三( 17日)晚上 10時 45分,陳志雲坐着友人的 Benz返家,據知陳志雲於晚上 8時許,乘友人的座駕鬼祟外出,與男藝員晚飯。在家屈足五日,志雲終於蒲頭,但一雙黑眼圈外,面容亦明顯凹陷憔悴。
寧進,叢培崑和何恒安
在寧進(左)的介紹下,叢培崑和何恒安(右)成功埋陳總堆,三人在叢的 25歲生日會上亦聚頭暢飲,不過當叢扶搖直上後,更有傳叢將何踢走。
崔建邦
差不多同一時間,陳志雲愛將崔建邦乘的士到達志雲居所,逗留一個小時左右才離去。
叢培崑,陳志雲
叢培崑的製作公司亦曾幫慈善團體「奧比斯」舉辦活動,當時陳志雲亦有撐場,更穿上由叢所設計的 T恤現身,盡收宣傳之效。

暗做溝女王
外表陰柔的阿 Ed叢培崑,其實是溝女王,有傳他中學時期曾與鄧麗欣及呂慧儀拍過拖。未跟隨陳志雲時,亦有一位拍拖 5年的女友 Yum,直至 07年,女方不忿男方花弗,因而分手,之後阿 Ed一直拍散拖。 08年當時已獲陳志雲寵幸的他,竟背住陳志雲暗交女友 Nicole,更出錢供女友赴日留學,閒時則愛搞 P溝女。
阿 Ed為上位不惜忍辱負重服侍志雲,所以要低調瘟女。本刊上月揭發阿 Ed經常夜訪陳志雲,及其「訊偉有限公司」以陳志雲寓所作登記地址後,他煞有介事向記者澄清自己性向,但卻不否認曾在志雲居所過夜。
叢培崑溝女狼相大公開
溝女狼相大公開
有傳叢培崑扮攣黐陳總,在 facebook的相片,記者發現他在一次遊船河活動上,竟然對着一位比堅尼女郎胸部伸脷,狀甚興奮。
遊船河活動上
女友 Nicole
現任女友 Nicole
叢培崑瞞住陳總,與年約 24歲的 Nicole拍拖兩年,更供女友到日本讀書。
叢培崑、寧進和鄧麗欣
與Stephy相識多年
叢培崑、寧進和鄧麗欣原來是中學同學,最近網上就流傳一張三人攬頭攬頸合照,足見他們感情深厚。
Stephy,叢培崑
在 Stephy的 fans為她開設的網站中,竟發現於 07年 10月 fans為她搞的生日會上,叢培崑原來有份出席,更為她點蠟燭。對於戀情,她矢口否認。
叢培崑,Yumi
前女友 Yumi
06年 7月,還任職警員的叢培崑經歷交通意外後,在路邊安慰同行的女友 Yumi。《蘋果日報》圖片
Yumi
本周日,記者追訪叢的舊女友 Yumi,問到昔日戀情及他的為人, Yumi面青青說:「唔知呀!」然後黑面跑回店內。

亂籠關係
陳志雲私生活多姿多采,不但與 5男糾纏不清,加埋 Ed的女友 Nicole、寧進女友 JoJo及何恒安女友蕭淑慎,關係七國咁亂。
亂籠關係

認志雲居所過夜
記:陳生話你已經唔係佢助手,點解仲經常去佢屋企?
叢:佢好好人,教咗我好多嘢!
記:你喺佢屋企逗留好多個鐘。
叢:有時佢喺屋企同我講佛經,大家傾到好夜,咁我會喺嗰度過埋夜,唔……唔……不過我同陳生並唔係大家諗嗰樣嘢!
記:好多人都認定咗你同佢拍拖!
叢:(笑了幾聲後說)我知道大家一定會誤會。我係鍾意女仔 o架!
記:你唔出嚟澄清?
叢:(深呼吸歎了口氣)我又唔係藝人,真係冇必要出嚟講。不過呢啲新聞真係對陳生同我好唔公平,我當佢係師傅。
記:你同陳生嘅關係唔似咁簡單喎!
叢:唉……我同佢真係唔係你諗個樣嘢,我哋冇肉體關係 o架!
記:咁你依家有冇女朋友?
叢:冇呀!
寧進,薛凱琪
寧進,張繼聰
寧進廣結明星
在 TVB做大茄做足八年的寧進,廣交藝人和歌星,在 facebook內發現他與薛凱琪和張繼聰的合照。
寧進,JoJo
女友 Jo Jo
愛蒲的寧進,有位拍拖多年的圈外女友 JoJo,寧進黐陳總只為上位撈油水。
寧進,何恒安,陳總識
睇起的寧進順勢介紹老死何恒安(右一)俾陳總識,三人更笑晒口影合照。

最後叢培崑更同記者講笑,叫記者介紹女仔給他認識。
其實,阿 Ed與何恒安及藝人寧進,三人同在屯門某小學讀書,識於微時,長大後亦齊齊蒲吧溝女。直至寧進埋到陳志雲堆,因「刀片恐嚇」事件,便引薦阿 Ed及何恒安做志雲私人助手。 00年,寧進入無綫時,最初只是做辦公室助理,但 02年在陳志雲推薦下,寧進轉讀訓練班。雖然有後台,但受外形局限,寧進星路一直未見曙光,只是做二打六的閒角,直至近年才被欽點做《志雲飯局》的「上菜」先生。月薪不夠一萬的他,有陳志雲照住,近年突然富貴,坐擁三個物業總值約四百萬,揸四十多萬 Audi名車。
據知,陳志雲認識寧進初期,曾邀請對方上志雲居晚飯。可惜神女有心,襄王無夢。寧進志在埋堆,未有與陳志雲做更深入的朋友,令陳志雲對其寵愛亦大打折扣。 07年,寧進為碼實陳志雲,藉「刀片恐嚇」事件,引薦了何恒安及阿 Ed,作為對方保鑣,再次取得陳志雲的信任。
知情者話︰「寧進始終過唔到自己嗰關。佢埋到陳總堆後,陳總都請過佢上屋企食飯,嗰次佢帶埋女朋友上去,陳總梗係冇癮啦。後來佢介紹咗何恒安同阿 Ed俾陳總識,咁就唔使自己出手冧陳總囉。」
寧進胞兄的婚宴
涉貪事件令陳總和寧進的密友關係曝光,二人去年曾結伴出席寧進胞兄的婚宴。
寧進
寧進(右)曾與數十名老友上船搞狂野派對,當日阿 Ed都在場。
騷肌攬女
騷肌攬女
何恒安(左)和叢培崑相識多年,不時相約敍會,相片中的單位,據知是何恒安家中,當日他邀請大班朋友返家開大食會。
何恒安
記者在何的 facebook內,發現他經常大晒肌肉,亦不時攬着女性影相,艷福無邊。
何恒安攬着女性

暗交台灣艷星
儘管何恒安與阿 Ed在陳志雲面前服侍周到,但其實兩人都是扮攣。前者曾背住陳總,暗交台灣艷星蕭淑慎;而阿 Ed則愛一腳踏幾船。
06年,還是警察的阿 Ed,任職九龍區機動部隊,與朋友陳業安飛車,導致對方在車禍中死亡,之後他離開警隊,經濟變得拮据,幸黐住陳志雲後,自此便財源滾滾來。
另一知情者話︰「阿 Ed好識冧人,佢知 Stephen(陳志雲)信佛,就猛睇佛經投其所好。佢亦睇準 Stephen表演慾強,向佢獻計,又話幫佢搞出書同做舞台劇,所以咪冧到人打本俾佢開製作公司囉。 Stephen真係俾佢冧到暈陀陀 o架!不過阿 Ed成為 Stephen身邊紅人之後,亦試過飲醉酒時,猛呻 Stephen難服侍,又話自己好委屈喎!」
何恒安
周二( 16日),何恒安如常到車房打躉,得知記者來意,他即時黑面,拋下一句:「我唔識你喎!」即避入車房。
除夕騷
有傳去年在如心廣場舉行的除夕騷,製作單位是叢培崑開設的「思潮」,當晚因有四大唱片歌手(如劉美君)表演,無綫未能全部直播出街,搞到如心廣場不滿,要搞手賠償。

志雲花心出禍
其實陳志雲多年來一直有個任職海關的正印同居男密友,名叫 Jacky,年約四十多歲。當年, Jacky知陳志雲貪靚,曾鼓勵他減肥,並陪他健身。陳志雲與 Jacky交往十多年,連陳志雲父母都默許其正印地位。>
不過,心多多的陳志雲,竟背住 Jacky寵幸阿 Ed及何恒安,就連司機 Jerry,他亦甚為嗒糖。而機心甚重的阿 Ed,短短 3年,先逼走志雲同居密友 Jacky及司機 Jerry,就連兄弟班的何恒安及「媒人」寧進,都陸續被他踢出局。獨佔陳志雲後,他便開始其鴻圖大計,開辦「思潮廣告製作公司」,借陳志雲的權力接收不少無綫的外判工作,更以低價接洽各藝員,從中圖利。
扮攣的阿 Ed與何恒安,做了陳志雲助手 3個月左右,有傳三人已經背住 Jacky齊齊去日本旅行。據知去旅行期間,三男齊住一間雙人房,而與陳志雲同牀的是阿 Ed。陳志雲密友 Jacky初時還隻眼開隻眼閉,但後來終於忍唔住跟志雲攤牌。兩人拉鋸大半年, Jacky終於忍唔住,於 08年尾向志雲提出分手,更改埋電話,搬離雅麗居。
王喜

王喜頻探陳總
陳總出事後,「迷雲黨」成員之一的王喜連日來都高調到志雲居。周一( 15日)中午才在陳總寓所逗留三小時,到晚上又帶同曾協助梅艷芳進行祈福的喇嘛 Twiggy(前藝能高層)拜訪。周三( 17日),王喜又再現身樓下,抵達陳總寓所前更事先打電話通知傳媒。抽水之心,路人皆見。
六嬸
有傳六嬸點名黃家禧代替陳志雲的職務。日前記者就發現方逸華在黃家禧陪同下返回 TVB行政大樓。

志雲怒炒何恒安
阿 Ed乘虛而入成功逼走 Jacky後,為免司機 Jerry爭寵,經常背住陳志雲對 Jerry呼呼喝喝,最後 Jerry沉不住氣,自動向陳志雲辭職。成功擊退兩個眼中釘後,阿 Ed連兄弟何恒安都不放過,他不停在陳志雲面前打兄弟毒針,更大爆何恒安暗交蕭淑慎,令對方即時失寵。去年,何恒安 facebook的攬女相,突然在周刊出現,當中亦有阿 Ed的不文相刊登。
知情者話︰「呢啲相出咗之後,阿 Ed即刻篤背脊,話有人大整蠱,陳總好嬲,即時炒咗阿安(何恒安)。單嘢發生後,阿安死黨寧進亦當面鬧阿 Ed反骨。但無奈 Stephen已完全被阿 Ed俘虜,就算寧進喺阿 Ed做董事嘅『思潮』做股東,公司都係阿 Ed話事。」昔日三兄弟齊齊蒲齊齊搵錢,如今卻反目收場。
陳志雲冧阿 Ed,在圈中已經成為公開秘密,有次陳志雲上電台做錄音訪問。錄音期間,電話突然響起,佢突然好緊張 cut停個訪問,然後好溫柔對住電話大發嬌嗔︰「……我等你嚟接我囉!」跟住他還吩咐電台保安幫他到停車場接人,當時在場人士都以為有大人物到,原來就是阿 Ed。
阿 Ed成為陳總身邊紅人後,圈中人人俾面,更有人稱他為「志雲契仔」。近日更有報道指陳志雲為賞賜他,今年一月,買了一楝價值五百多萬,位於何文田的物業給阿 Ed的父母。陳志雲錯愛花 o靚,高薪厚職凍過水之餘,更惹來官司纏身,千年道行衰喺一個情字上!
崔建邦戴上口罩到銅鑼灣做  facial
愛將謝晒封口
同受官非纏身的崔建邦,上周四( 11日),即陳總被捕當日,被本刊拍得他戴上口罩到銅鑼灣做 facial。之後有傳媒亦拍得他到深水埗打波,不過一直避談陳總。
崔建邦

張繼聰
另一愛將張繼聰,本來獲 TVB重用,但有傳老婆謝安琪上有線大講「性經」觸怒無綫,令張被飛。上周五下午 4時,本刊就拍得他頭耷耷搭 6號巴士,由佐敦去尖沙嘴,對記者提問一概不答。

家宅惹禍端
陳志雲本住在位於亞皆老街的雅麗居高層複式單位多年,有指該址是風水屋, 04年陳志雲升為無綫業務總經理後,名利權力兼收。直至去年 4月,陳志雲打算轉換環境,遂租住清水灣柏濤灣一獨立屋,其後得高人教路,指新居有血光之災,因此又搬返雅麗居。
本刊將陳志雲早年在寓所接受訪問的照片給堪輿學家麥玲玲過目,她表示陳志雲住所嘅裝修和色調其實不夾他命水,雖然是風水屋,但若然所住的人命格撞啱運滯,便會惹來禍端。「陳志雲本身屬狗,今年命格注定要單打獨鬥,梳化擺喺玻璃窗前面,背冇靠山。佢冬天出世,間屋色調太過淺色,亦都唔夾佢條命,應該加番啲鮮艷顏色嘅擺設或掛畫。不過睇陳志雲面相,行緊嘴運嘅佢,應該可以免受牢獄之苦。」
陳志雲梳化
麥玲玲指陳志雲梳化冇靠山,室內設計色調太淺,影響其運勢。《壹週刊》圖片
陳志雲複式單位
自陳志雲從廉署返家後,連日來其複式單位均拉上窗簾。

藝員劃清界線
陳志雲昔日的愛將鄧健泓說:「依家未係合適嘅時間去探佢,我都有 send sms。(陳志雲有冇覆你?)都係話唔需要擔心。其實 TVB咁大嘅電視台,我唔覺得佢哋會咁樣做(貪污),當然成件事我都唔了解。(廉署有冇接觸過你?)從來冇接過通知。(識唔識叢培崑?)我同佢唔係好熟。(有冇喺陳生屋企見過叢培崑?)我上去大部分時間都係同佢傾公事,我唔覺有咩人喺度,有佢個傭人。」
鄧健泓

被指陳志雲新寵的馬浚偉表示:「真係覺得好笑,鍾意就話我陳生黨,鍾意就話我係珍姐派,得閒又話我係小姐黨(意指樂易玲),我份合約係 TVB,我只能講我係 TVB黨。(係咪公司下令封口?)唔係,只不過依家好多嘢調查緊,影響到任何嘢都唔公平。」
馬浚偉

報道指有過氣港姐送袋冧高層,葉翠翠回應時十分避忌︰「吓…過氣,咁快過氣,應該唔係講我啩,佢(雜誌)又唔開名,都唔慌係真啦,就算開名都唔會係真,十居其九都係假。」始終未有正面回應自己有否送袋。
葉翠翠

森美直認有慰問陳志雲,他說︰「佢係我好朋友,係好好嘅前輩,事件發生,我都有 sms俾佢,佢都有覆『多謝關心』。(工作有否被壓價?)陳生有搵過我工作,不過最後傾唔成。(係咪你企硬價?)唔係,有時啲人問我價,我都有問要唔要友情價。」
森美

楊思琦坦認曾會見 ICAC人員,「有份協助調查,係公司打電話叫我返去,都係問工作上嘅嘢。(有冇同叢培崑間公司合作過?)唔知,因為係經理人安排,相信經理人為我爭取最好條件!」
楊思琦

楊怡亦承認日前曾協助廉署調查,但詳情不便透露。被指是志雲派的她緊張地說:「我係公司嘅人,冇分派別!(有冇電話慰問吓陳志雲?)我從來都冇 Stephen電話 o架!希望佢冇事,件事快啲平息啦!」
楊怡

鄭嘉穎:「我冇被安排助查,件事令我好震撼。(你係樂易玲派喎!)咩呀,陳生叫我做金叵籮 o架,我係 TVB派。」
鄭嘉穎

唐詩詠前男友崔建邦昔日是陳志雲愛將,唐詩詠坦言已發短訊慰問陳總和錢國偉,「當然擔心佢哋啦,希望件事快啲過去啦,陳生係一個好上司、好前輩,係一個唔計較錢嘅人。」
唐詩詠

No comments:

Post a Comment

Follow by Email

随机乱放