January 11, 2010

含歌噴人: 叫 Edison suck  LMF堅踩:佢未夠班!

LMF上週六( 2日)一連兩晚《 The Wild Lazy Tour》於九展 Star Hall開騷。台上煲煙、隊酒講粗口兼掟樽;台下 fans亦愈玩愈 high,過千中指齊齊豎好壯觀。
不過最爆係 DJ Tommy打碟時,懶理拍檔陳冠希秘密到場睇騷,打碟混音中竟然聽到「 Edison, suck my dxxx!」同「農夫, fxxk you!」大膽叫 Edison suck, LMF話之你,事後仲向本刊堅踩 Edison同佢兩個 o靚農夫:「講 hip hop佢哋未夠班!」

後台直擊
全程玩低調嘅 Edison,週六( 2日)晚上 7點半先行秘密通道到場,在後台更冇乜同其他星打招呼,淨係 Eason同佢吹咗句:「咦,返咗嚟呀!」直到 10點睇完 DJ Tommy solo就靜雞雞走人。

6年冇開演唱會嘅 LMF,入場觀眾由手抱 BB到 50幾歲阿叔,台上 Lazy仔潑水、台下觀眾亦回敬「×你老母」,當 LMF成員阿傑同 fans講想聽〈債〉要等到明天嗰場,上千 fans即大叫:「×你!」粗口滿場飛超互動!


Tommy捽爆
演唱會其中有 10分鐘由曾經世界排名第 4嘅香港 DJ Tommy solo,混音人聲中有鬧爆農夫同拍檔 Edison,不過陳冠希冇介意喎,仲將片段放上自家 blog任人睇,咁又係,陳生有乜未俾人鬧過呀?呢啲小事啦!

開騷加場全院滿座, fans咁撐, LMF演出一樣落力,嗌爆喉嚨兼中指娛賓,台下愈 high台上愈激, LMF唔違規, fans叫回水呀!

鬼祟避
當後台開始多人,吳彥祖、何超儀等陸續入場, Edison就閃入化妝間,開騷熄燈又出番嚟,似乎唔多想同圈中人接觸。

住四季
Edison喺車等足成個鐘,完騷後同 Tommy、李璨琛去打邊爐,之後單拖返中環四季酒店。

Edison除夕已經秘密返港,仲同班 ABC friend開除夕派對,接住 2號去睇 LMF場騷,其間逗留香港幾日,主要係返公司開會同傾埋香港嘅 project。

疑似淫歌
現場氣氛高漲,有份睇騷嘅陳奕迅、何超儀等亦 high到爆,而身為 DJ Tommy拍檔嘅 CLOT揸 fit人陳冠希亦有到後台撐場,當 DJ Tommy solo時,陳冠希更靜靜企台邊睇騷,又用私家 view cam拍低 DJ Tommy打碟片段,實行親身感受被 LMF捽住寸:「 Edison, suck my dxxx!」同「農夫農夫 fxxk you, fxxk you!」。
當住面硬玩拍檔,事後 DJ Tommy仍然企硬話:「我上得台就係 LMF嘅成員之一,俾我話得都係 hip hop界嘅人,講 hip hop佢哋( Edison、農夫)未夠班,我哋眼中最勁梗係 LMF,我哋嘅作風佢哋明嘅,唔會嬲,不過我本人都當然欣賞佢哋啦!」

LMF開騷預咗狂爆粗,不過佢哋又識搵才子陶傑分析乜嘢叫粗口喎,咪成日話佢哋冇文化啦!

才子分析
粗口通常係講男女性交嘅動作同男性同女性嘅性器官,所以×街唔算粗口。以前有個畫家畢加索,佢後期嘅作品好清楚咁畫出女性生殖器官,唔通佢又係 3級畫家咩?

《蘋果日報》週一( 4日),大字標題插 LMF開違規騷,成員之一嘅 MC仁就話:「燒晒啲報紙囉!」好火喎!

High插水
唔只 C朗識插水,聽得 LMF唔玩吓人肉插水邊有 feel。

星都舉
LMF席上客個個玩得癲,何超儀同劉浩龍仲孖埋無綫生活台主持兼日本通杜如風一齊玩到舉晒手。

'03腰斬
LMF 03年全盛時期,曾於當時的九龍灣展貿中心開 show,可惜當時因歌迷情緒太激動,現場一度失控而被迫腰斬演唱會,事隔 7年, LMF再開騷歌迷一樣 high。《蘋果日報》圖片

違規罪證

擔番飛
彈 bass彈到手仔軟嘅 Jimmy,實行扯番支煙回吓氣。

撩人×
嘉賓李璨琛原是 LMF成員,今次上台做嘉賓,拎住個水樽係咁淋,台下觀眾就係咁×你。

隊罐啤
主音阿華平時講嘢陰聲細氣,上台就自動投入 rap爆, rap到口乾隊兩啖鋁罐啤酒,醉醉哋仲激呀!

No comments:

Post a Comment

Follow by Email