January 24, 2010

寄居 80呎部屋  Kama攻台做美眉

2010年 o靚模潮退晒,當年 Big 4 o靚模,Angelababy、Chrissie、 Janice Man和Kama兵分幾路各顧各。
論人氣走勢, Kama自書展後的確靜晒,早前立定決心過台灣發展做美眉博一鋪。攻台唔夠一個月,人在異鄉 Kama寄居 80呎部屋、接 4,000蚊新台幣(約港幣 1,000蚊)女模 job,同香港萬萬聲身價爭得遠。不過 Kama就話:「錢唔係最重要,最緊要開拓到台灣市場,但我唔會同台妹鬥露!」能屈能伸。果然有 80後精神!
Kama
閨房曝光
Kama話台灣生活好易適應,仲大讚當地美食,唔夠兩星期已經肥咗 5磅,仲話特別肥喺塊面度喎。

22歲 Kama出道 3年由龍女升做女神,更由調景嶺公屋搬到月租過萬的翔龍灣。今年初決心到台灣發展,又要重新起步,住宿方面亦要暫時屈就,租住潮區忠孝敦化的 80呎部屋,月租只 1萬蚊新台幣(約港幣 2千 5),實行慳住使。
Kama
到台灣第一日 Kama即刻去咗士林夜市,之後仲去咗 101大樓影咗張極之遊客 feel嘅相

地方雖小,連上網都要喺床上,好彩有 WiFi, Kama仲話:「因為唔熟路,所以揀近公司地方暫住先,遲啲搬大啲 o架喇。」房細志大。

接 1千蚊 job
工作方面, Kama全部由台灣 O.U.I會星堂模特兒公司安排,雖然 Kama講明唔性感,不過到埗後不久,已有不少報紙如台灣《蘋果日報》和時裝雜誌的 model工作,影吓化妝和時裝相,試試反應先。不過身價就回到佢在港初出道時一樣,普通影相 job只有 4,000蚊新台幣(約港幣 1,000蚊,仲要被抽佣 3成,即僅 700蚊落袋),而且仲要影足 8粒鐘,同香港影 4粒鐘收工,做多一倍,新台幣認真唔易賺。
Kama
平租潮區
Kama喺台灣忠孝敦化區住,雖然地方較細,不過為台灣潮人集中地,返公司只需 10分鐘。
Kama
Kama想日日 update個 blog,可惜電腦有問題,最新嗰篇已經係上年 12月 29日。

唔着 C字褲
雖然錢少,惟有密食當三番,除咗影雜誌外,最近 Kama亦幫一間台灣婚紗店影相,酬勞約萬 5蚊港幣。 Kama表示:「嚟到台灣冇人識,價錢當然唔會高啦!但錢唔係最重要,最緊要開拓到台灣市場,但唔會同台妹鬥露!着 C字褲更加唔使預我,同埋呢度可以專心做 model工作,唔使太多新聞。我好享受!」

返工撚狗
嚟咗台灣未夠 1個月,除咗開工外,幾乎每日都返公司玩狗。
Kama
Kama喺台灣唔行性感只賣靚樣同 cutie,所以大部分工作都當化妝 model。
Kama
台港兩邊走
o靚模熱潮已過,但 Kama在港仍然有市,上週四就急急飛返香港迹銀,出席商場賀年活動,出騷價仍然有 2萬 5。得閒飛返香港接 job,當幫補囉!
Kama
Kama同財務公司特別有緣, 07年做第二代邦民女,完約之後,今年就做「發達太太財務」代言人。影完呢個廣告,即晚 Kama就飛返台灣,真係忙!
鍾嘉欣

上年喺台灣大 hit嘅 C字褲,冇帶冇扣,靠夾於下身重要部位穿着,由於外形似飾物,所以上年鍾嘉欣以為 C字褲係頸箍,仲將佢掛喺頸度。《忽然 1周》圖片

高海寧前度陪玩
高海寧前男友 Keo喺台灣經常陪住 Kama。不過 Kama話:「佢係好朋友,唔會係男朋友!」
高海寧
高海寧

縛足 1年
O.U.I. 會星堂模特兒公司,位於台灣忠孝敦化區,除咗 Kama之外,香港人熟悉嘅有第一代邦民女 Crystal梁寶琪、同埋今年亞姐亞軍王希瑤。 Kama今次同 O.U.I.簽約一年,而佢同香港公司 Elite就仲有 2年約,其間唔需要長駐喺台灣,邊度有 job就飛去邊,認真自由!
Kama
Kama
Kama到台灣第一日, O.U.I.官方網站即時 update,仲以「擁有佼好身材和一張瓜子臉蛋及甜美笑容」來形容 Kama,都幾重視佢 o架!
Crystal
第一代邦民女 Crystal
王希瑤
岩石胸王希瑤

No comments:

Post a Comment

Follow by Email

随机乱放